ވޮޝިންޓަން (ޖޫން 12) - ފުލުހުންގެ ބެލުމުގެ ދަށަށް ގެންދިއުމުގެ ތެރޭގައި ޖޯޖް ފްލޮއިޑް މަރާލުމާ ގުޅިގެން އެމެރިކާގައި މުޒާހަރާތައް ވަރުގަދަވެފައި ވަނިކޮށް ވައިޓް ހައުސް އިން ނުކުމެވަޑައިގެން ކައިރީގައިވާ ފައްޅިއަކަށް ރައީސް ޑޮނަލްޑް ޓްރަމްޕް އަރިހު ވަޑައިގެންނެވުނީތީ ހިތާމަ ކުރައްވާ ކަމަށް ސިފައިންގެ ވެރިޔާ ޖެނެރަލް މާކް މިލޭ ވިދާޅުވެއްޖެ އެވެ.
12 ޖޫން 2020
ވޮޝިންޓަން (ޖޫން 12) - ފުލުހުންގެ ބެލުމުގެ ދަށަށް ގެންދިއުމުގެ ތެރޭގައި ޖޯޖް ފްލޮއިޑް މަރާލުމާ ގުޅިގެން އެމެރިކާގައި މުޒާހަރާތައް ވަރުގަދަވެފައި ވަނިކޮށް ވައިޓް ހައުސް އިން ނުކުމެވަޑައިގެން ކައިރީގައިވާ ފައްޅިއަކަށް ރައީސް ޑޮނަލްޑް ޓްރަމްޕް އަރިހު ވަޑައިގެންނެވުނީތީ ހިތާމަ ކުރައްވާ ކަމަށް ސިފައިންގެ ވެރިޔާ ޖެނެރަލް މާކް މިލޭ ވިދާޅުވެއްޖެ އެވެ.
އޭނާ ވިދާޅުވީ ޖޫން 1 ވަނަ ދުވަހުގެ އެ އިވެންޓް ދިޔަ ގޮތުން "ސިފައިން ސިޔާސީ ކަންކަމުގައި ބައިވެރިވި ކަމަށް" ވިސްނުމުގެ ޖާގަ އެބައޮތް ކަމަށެވެ.
ޓްރަމްޕް ފައްޅިއަށް ވަޑައިގެންނެވީ ވައިޓް ހައުސްގެ ބޭރުގައި ސުލްހަވެރިކަމާ އެކު މުޒާހަރާ ކުރަމުން ދިޔަ މީހުން ދުރަށް ޖެއްސުމަށް ފަހު އެވެ. މުޒާހަރާ ކުރާ މީހުން ދުރަ ކުރަން ސިފައިން ބޭނުން ކުރުން އެމެރިކާގައި ވަނީ ބޮޑު ބަހުސަކަށްވެފަ އެވެ.
ނޭޝަނަލް ޑިފެންސް ޔުނިވާސިޓީގެ ދަސްވެނިވުމުގެ ރަސްމިއްޔާތުގައި ވީޑިއޯ މެދުވެރިކޮށް ވާހަކަ ދައްކަވަމުން ޗެއާމަން އޮފް ޖޮއިންޓް ޗީފްސް އޮފް ސްޓާފް މިލޭ ވިދާޅުވީ އެ ދުވަހު ޓްރަމްޕް އަރިހު އޭނާ ފައްޅިއަށް ގޮސްގެން ނުވާނެ ކަމަށެވެ.
ވައިޓް ހައުސް އިން ނުކުމެވަޑައިގެން ޓްރަމްޕް ހިންގަވާފައި ފައްޅި އަށް ވަޑައިގަންނަވާ އިރު ސިފައިންގެ ވެރިޔާ ޖެނެރަލް މިލޭ (ކ) އަދި ޑިފެންސް މިނިސްޓަރު އެސްޕާ (މ) ޓްރަމްޕް އަރިހު. --ފޮޓޯ:އޭއެފްޕީ. --ފޮޓޯ:އޭއެފްޕީ
"އަޅުގަނޑު އެތަނުގައި ހުރުމަކީ، ސިފައިން ދާޚިލީ ސިޔާސީ ކަންކަމުގައި ބައިވެރިވާ ކަމަށް ޖާގަ ދެވޭނެ ކަމެއް. ކޮމިޝަންޑް ޔުނިފޯމް އޮފިސަރެއްގެ ގޮތުން އެއީ އަޅުގަނޑަށް ހެދުނު ގޯހެއް. އަދި އެކަމުން ފިލާވަޅު ލިބިގެންފައި ވަނީ،" އޭނާ ވިދާޅުވި އެވެ.
ޖެނެރަލް ވިދާޅުވީ ޖޯޖް ފްލޮއިޑް މަރާލި އަނިޔާވެރި ގޮތާ މެދު އޭނާ ވަރަށް ބޮޑަށް ކޯފާވި ކަމަށެވެ. އަދި އިހްތިޖާޖަށް މީހުން ނުކުތީ ފްލޮއިޑުގެ މަރާ ދެކޮޅަށް އަޑު އުފުލަން އެކަނި ނޫން ކަމަށާއި އެކަމަކު އެތައް ގަރުނެއް ވަންދެން އެމެރިކާގައި ކަޅު ނަސްލުގެ މީހުންނާ މެދު އޮތް ތަފާތު ކުރުމާ ދެކޮޅަށް އަޑު އިއްވަން ކަމަށެވެ.
ހިންގަވާފައި ޓްރަމްޕް ފައްޅިއަށް ވަޑައިގެންނެވި އިރު ސިފައިންގެ ވެރިޔާ ހުންނެވީ އަސްކަރީ ޔުނިފޯމުގަ އެވެ. އެހެންވެ އެތައް ބަޔަކު އެކަން ސިފަކޮށްފައި ވަނީ މުޒާހަރާ ކުރާ މީހުންނާ ދެކޮޅަށް ސިފައިން ނެރުމަށް ޖެނެރަލް މިލޭ ވެސް ތާއީދުކުރެއްވީ ކަމަށެވެ.
ޑިފެންސް މިނިސްޓަރު މާކް އެސްޕާ ވެސް އެ ދުވަހު ޓްރަމްޕް އަރިހު ހުންނެވި އެވެ. ނަމަވެސް އެއީ ގޯހުން ކުރެއްވުނު ކަމެއް ކަމަށް އެސްޕާ ވިދާޅުވެފައެއް ނުވެ އެވެ. އެސްޕާ ވިދާޅުވީ އޭނާ ހީކުރެއްވީ ޓްރަމްޕް ވަޑައިގެންނެވީ އެހެން މަގްސަދެއްގައި ކަމަށެވެ.
ޓްރަމްޕަށް ދައުވާ ކުރަން ލަފާ ދީފި
ޕޯޓްލޭންޑުގެ ހަމަނުޖެހުން:ޓްރަމްޕާއި ބައިޑަން "ހަމަލާ"
ނަސްލީ ތަފާތުކުރުމާ ދެކޮޅަަށް ބޭސްމަލަން ކަލެކްޝަނެއް
ނަސްލީ ތަފާތު ކުރުމާ އެމެރިކާ ދެކޮޅުކަން ދައްކައިދެނީ
ފްލޮއިޑުގެ މަރުން އެމެރިކާގެ ހަގީގީ ސިފަ ފެނިއްޖެ
ފައްޅިއަށް ޓްރަމްޕް ވަޑައިގަތީ ފިނޑި ނޫންކަން ދައްކަން
ޓްރަމްޕުގެ ޓެކްސް ބަޔާން އާއްމު ކުރުމަށް އެދި މުޒާހަރާ
އިޒްރޭލާ ދެކޮޅަށް މުޒާހަރާކުރާތީ އެހީ ކަނޑާލައިފި
އެމެރިކާ ޑަބްލިޔުއެޗްއޯއިން ވަކިވެ ބޮޑެތި ނިންމުންތަކެއް
ބަލައިގަންނާނީ 'ދެ ޖިންސު' އެކަނި: ޓްރަމްޕް