ނަސްލީ ތަފާތުކުރުމާ ދެކޮޅަަށް ބޭސްމަލަން ކަލެކްޝަނެއް

14 ޖޫން 2020

ހަމުގެ ކުލަ އަށް ނިސްބަތްކޮށް، ނަސްލީ ގޮތުން ކުރާ ތަފާތުތަކާ ދެކޮޅަށް އެމެރިކާގެ ކުންފުނި ބޭންޑް-އެއިޑުން ހާއްސަ ބޭސްމަލަން ކަލެކްޝަނެއް ނެރެން ނިންމައިފި އެވެ.

އަހުމަދު އަދްޝަން

މަޝްހޫރު ކުންފުނި ޖޯންސަން އެންޑް ޖޯންސަންގެ ދަށުން ހިންގާ ބޭންޑް-އެއިޑުން ބުނީ އެކި މީހުންގެ ހަމުގެ ކުލައާ ގުޅޭ ގޮތަށް ނެރޭ ބޭސްމަލަން ކަލެކްޝަނުގައި ފަސް ޝޭޑެއް ހިމެނޭނެ ކަމަށެވެ. އަދި މިކަމަކީ ސީދާ ނަސްލީ ތަފާތުކުރުންތަކާ ދެކޮޅަށް ކުރާ މަސައްކަތަށް ތާއީދުކޮށް، އެ މަސައްކަތުގައި ހިއްސާވުމުގެ ގޮތުން ނެރޭ އެއްޗެއް ކަމަށް ބުންޏެވެ.

މި ވާހަކަ ބޭންޑް-އެއިޑުން އިންސްޓަގްރާމްގައި ހިއްސާކުރުމުން ބައެއް މީހުން ވަނި އެ ކުންފުންޏަށް ފާޑު ވެސް ކިޔައިފަ އެވެ. ސަބަބަކީ ކުރިން ވެސް މިފަދަ ކަލެކްޝަނެއް ނެރެން މީގެ އެތައް އަހަރެއް ކުރިން އެ ކުންފުންޏަށް ގިނަ ބަޔަކު ޕެޓިޝަން ހަދައި ގޮވައިލި ނަމަވެސް، އެކަމަށް އެކަށީގެންވާ އިޖާބައެއް ދީފައި ނެތުމެވެ.

View this post on Instagram

We hear you. We see you. We’re listening to you.⁣ ⁣ We stand in solidarity with our Black colleagues, collaborators and community in the fight against racism, violence and injustice. We are committed to taking actions to create tangible change for the Black community.⁣ ⁣ We are committed to launching a range of bandages in light, medium and deep shades of Brown and Black skin tones that embrace the beauty of diverse skin. We are dedicated to inclusivity and providing the best healing solutions, better representing you.⁣ ⁣ In addition, we will be making a donation to @blklivesmatter.⁣ We promise that this is just the first among many steps together in the fight against systemic racism.⁣ ⁣ We can, we must and we will do better.

A post shared by BAND-AID® Brand Bandages (@bandaidbrand) on Jun 10, 2020 at 7:00am PDT

ބޭންޑް-އެއިޑަކީ ގަރުނެއްވީ ތާރީހެއް އޮތް ކުންފުންޏެވެ. އެ ކުންފުނި އުފެދުނީ 1920 ގަ އެވެ.

އެކި މީހުންގެ ހަމުގެ ކުލަ ރަމްޒުކޮށްދޭ ގޮތަށް ބޭސްމަލަން ކަލެކްޝަނެއް ނެރޭކަން އިއުލާންކުރުމުގެ އިތުރަށް ބޭންޑް-އެއިޑުން ވަނީ އެމެރިކާގެ ފުލުހުންތަކެއް އެ ގައުމުގެ ކަޅު ނަސްލުގެ މީހެއް ކަމަށްވާ ޖޯޖް ފްލޯއިޑް ކިޔާ މީހަކު އަނިޔާވެރި ގޮތަކަށް މަރައިލުމާ ގުޅިގެން އެކަމާ ދެކޮޅަށް "ބްލެކް ލައިވްސް މެޓާ" ގެ ނަމުގައި ކުރިއަށް ގެންދާ ކެމްޕޭނަށް ފައިސާ ހަދިޔާކުރަން ވެސް ނިންމައިފަ އެވެ.

ބޭންޑް-އެއިޑަކީ ހަމުގެ ކުލަ ރަމްޒުކޮށްދޭ ގޮތަށް ބޭސްމަލަން ނެރޭ ފުރަތަމަ ކުންފުންޏެއް ނޫނެވެ. މި އަހަރުގެ ކުރީކޮޅު އިނގިރޭސިވިލާތުގެ ޓެސްކޯ އިން ވެސް ވަނީ މިފަދަ ކަލެކްޝަނެއް ނެރެފަ އެވެ. އޭގައި ތިން ޝޭޑެއް އެކުލެވެ އެވެ.