ކަސްޓަމްސްގެ ޑެޕިއުޓީ ކޮމިޝަނަރަކަށް މަހްމޫދު

24 ޖޫން 2020

ކަސްޓަމްސްގެ ޑެޕިއުޓީ ކޮމިޝަނަރުގެ މަގާމަށް މަހްމޫދު ރިޔާޒު، ރައީސް އިބްރާހިމް މުހައްމަދު ސޯލިހު މިއަދު އައްޔަން ކުރައްވައިފި އެވެ.

އާމިނަތު ޝިފްލީން

މަހްމޫދު ކުރިން ހުންނެވީ އެ އިދާރާގެ ޑެޕިއުޓީ ޗީފް ސުޕްރިންޓެންޑެންޓްގެ މަގާމުގަ އެވެ. އޭނާ ވަނީ ކަސްޓަމްސްގައި 27 އަހަރު މަސައްކަތް ކުރައްވާފަ އެވެ.

ކަސްޓަމްސްގައި ކުރިން ވެސް ދެ ޑެޕިއުޓީ ކޮމިޝަނަރުން ތިއްބެވި އެވެ. އެއް މަގާމު ހުސްވީ، އެ މަގާމުގައި ކުރިން ހުންނެވި އަބްދުﷲ ޝަރީފް، ކޮމިޝަނާ ޖެނެރަލް އޮފް ކަސްޓަމްސް ކަމަށް އިއްޔެ އައްޔަން ކުރެއްވުމުންނެވެ.

ކަސްޓަމްސްގެ ޑެޕިއުޓީ ކޮމިޝަނަރުގެ މަގާމުގައި ދެން ހުންނެވީ މުހައްމަދު މާނިއު އެވެ. އޭނާ އެ މަގާމަށް އައްޔަން ކުރެއްވީ ޖުލައި 8، 2019 ގަ އެވެ.

President Ibrahim Mohamed Solih has today appointed Ma. Dainty, Mr Mahmood Riyaz as the Deputy Commissioner of Customs.
Mr. Mahmood Riyaz has been serving as a Deputy Chief Superintendent at MCS prior to his appointment. He has served Maldives Customs Service for over 27 years. pic.twitter.com/0ynguajlMn
— Maldives Customs (@CustomsMv) June 24, 2020

ކަސްޓަމްސްގެ އެންމެ އިސްވެރިޔާގެ މަގާމަށް އޭނާ މި އައްޔަން ކުރެއްވީ، ޑިސެމްބަރު 11، 2018 ން ފެށިގެން އެ މަގާމު ފުރުއްވަމުން އައި އަހުމަދު ނުއުމާން، މާޗް 31 ވަނަ ދުވަހުގެ ރޭ އަވަހާރަވުމުންނެވެ.

އަދާލަތު ޕާޓީގެ ސްލޮޓެއްގައި ކޮމިޝަނާ ޖެނެރަލް އޮފް ކަސްޓަމްސްގެ މަގާމަށް އައްޔަން ކުރެއްވި ނުއުމާން އާލާސްކަންފުޅާ އުޅުއްވި ހިސާބުން ފެށިގެން ހައެއްކަ މަސް ވަންދެން ވެސް ކަސްޓަމްސް ހިންގުމުގައި އިސްކޮށް ހުންނެވީ އަބްދުﷲ ޝަރީފެވެ. ނުއުމާން އަވަހާރަވި ފަހުން މިދިޔަ ތިން މަހެއްހާ ދުވަހު ވެސް ކަސްޓަމްސް ވަގުތީ ގޮތުން ހިންގެވީ އޭނާ އެވެ.

Comments