ސިމްޑީން ހުޅުމާލޭގައި ޝޯރޫމެއް ހުޅުވައިފި

ދުނިޔޭގެ މަޝްހޫރު ބްރޭންޑްތަކެއް ރާއްޖެ އެތެރެކޮށް ވިއްކާ ސިމްޑީ ކުންފުނިން ހުޅުމާލޭގައި ޝޯރޫމެއް ހުޅުވައިފި އެވެ.

ހުޅުމާލޭ އަހިގަސް މަގުގައި ހުންނަ އެފްޑީއައި ކުރިމައްޗަށްވާ ގޮތަށް ހަދާފައިވާ ޝޯރޫމް ރޭ ހުޅުވައިދެއްވީ ހުޅުމާލޭގައި އެންމެ ފުރަތަމަ ވިޔަފާރި ފެއްޓެވި މަޝްހޫރު ވިޔަފާރިވެރިޔާ އަބްދުﷲ ޝަރީފް (ސަރޭ) އެވެ.

ސިމްޑީން ބުނީ ހުޅުމާލޭގައި ޝޯރޫމެއް ހުޅުވީ އެ ކުންފުނިން އާއްމުންނަށް ވިއްކާ ތަކެތި ހުޅުމާލޭގެ ވިޔަފާރިތަކަށް ފަސޭހައިން ފޯރުކޮށްދިނުމަށް ކަމަށެވެ. ހުޅުމާލޭގެ ހުރިހާ ވިޔަފާރިތަކަށް އެ ޝޯރޫމުން މުދާ ފޯރުކޮށްދިނުމުގެ އިތުރަށް، އެ ޝޯރޫމުން ވެސް މުދާ ހޯލްސޭލްކޮށް އަދި ރީޓެއިލްކޮށް ވިއްކާނެ ކަމަށް އެ ކުންފުނިން ބުންޏެވެ.

ހުޅުމާލޭގެ ޝޯރޫމުން ވިއްކަނީ ކާބޯތަކެތީގެ ވައްތަރުތަކާއި ރީތިވާން ބޭނުންކުރާ ސާމާނު ފަދަ އާއްމު ތަކެއްޗެވެ.

އާއްމުން ބޭނުން ކުރާ މުދަލުގެ އިތުރުން އޮފީސްތަކަށް ބޭނުންވާ ސާމާނާއި ރިސޯޓް ސަޕްލައި ވެސް ކުރާ ސިމްޑީން މީގެ ކުރިން ވަނީ އައްޑޫ ހިތަދޫގައި ވެސް ޝޯރޫމެއް ހުޅުވައިފަ އެވެ. ހުޅުމާލޭގެ ޝޯރޫމެކޭ އެއްގޮތަށް، އައްޑޫގައި ވެސް ޝޯރޫމް މެދުވެރިކޮށް ސިމްޑީން ވިޔަފާރިތަކަށް މުދާ ފޯރުކޮށްދެ އެވެ.