ރިއާނާގެ ޑޮކިއުމަންޓަރީއެއް އަންނަ އަހަރު އެމެޒޯން އަށް

މަޝްހޫރު ލަވަކިޔުންޔެރިޔާ ރިއާނާގެ ދިރިއުޅުން ދައްކުވައިދޭ ޑޮކިއުމަންޓަރީއެއް ގެނެސްދޭން ތައްޔާރުވެއްޖެ އެވެ.

ރިއާނާގެ ޑޮކިއުމަންޓަރީއެއް އެމެޒޯން އަށް

އަހުމަދު އަދްޝަން

06 ސެޕްޓެމްބަރ 2020

މިކަން ކަށަވަރުކޮށްދެމުން ޑައިރެކްޓަރު ޕީޓާ ބާގް ކޮލައިޑާ އަށް ބުނީ ޑޮކިއުމަންޓަރީއެއް ހެދުމުގެ މަސައްކަތް، ކާމިޔާބު ލަވަކިޔުންޔެރިޔާއާ އެކު ކުރިއަށް ގެންދާތާ މިހާރު ހަތަރު އަހަރުވެއްޖެ ކަމަށެވެ. އަދި މިހާރު އެ މަސައްކަތް އޮތީ ޕޯސްޓް-ޕްރޮޑަކްޝަން މަރުހަލާގައި ކަމަށްވާތީ އަންނަ އަހަރުގެ ހޫނު މޫސުމުގައި އެމެޒޯން ޕްރައިމް ވީޑިއޯ މެދުވެރިކޮށް ޑޮކިއުމަންޓަރީ ގެނެސްދޭނެ ކަމަށް ބުންޏެވެ.

ޕީޓާ ބުނި ގޮތުގައި ޑޮކިއުމަންޓަރީ ސްޓްރީމްކުރާނެ ކަމަށް ބެލެވެނީ ޖުލައި މަހުގެ 4 ގަ އެވެ.

Exclusive: Director Peter Berg says the world will finally see Amazon's @rihanna documentary next year — and explains why it's taken 4 years to make. https://t.co/wHNj313ktU
— Collider (@Collider) September 3, 2020

ޕީޓާ އަކީ 2012 ގައި ރިއާނާ މުހިއްމު ރޯލެއް ވެސް ކުޅުނު ސައިންސް ފިކްޝަން/އެކްޝަން ފިލްމު "ބެޓްލްޝިޕް" ގެ ޑައިރެޓަރެވެ. އޭނާ ގެނެސްދީފައިވާ ފިލްމުތަކުގެ ތެރޭގައި "ހޭންކޮކް" އާއި "ދަ ލޫޒާސް" އާއި "ޑީޕް ވޯޓާ ހޮރައިޒަން" އަދި "ޕެޓްރިއަޓްސް ޑޭ" ހިމެނެ އެވެ. ޕީޓާގެ އެންމެ ފަހުން ގެނެސްދިން ފިލްމަކީ މާޗް މަހު ރިލީޒްކުރި "ސްޕެންސާ ކޮންފިޑެންޝަލް" އެވެ.

ރިއާނާ، 32، ގެ ޑޮކިއުމަންޓަރީއާ ބެހޭ ގޮތުން ޕީޓާ ބުނީ ހުނަރުވެރި ލަވަކިޔުންތެރިއެއްގެ އިތުރުން މިހާރު ނުފޫޒު ގަދަ ވިޔަފާވެރިއެއްގެ ގޮތުގައިި ވެސް މަޝްހޫރު ރިއާނާގެ ވާހަކަ އަކީ ވަރަށް ޝައުގުވެރި އަދި އެހާ އިންސްޕަޔަރިންގެ ވާހަކަތަކެއް ކަމަށެވެ. އެހެންވެ އޭނާގެ ޑޮކިއުމަންޓަރީ ވެގެންދާނީ މީގެ ކުރިން ރިއާނާއާ ބެހޭ ގޮތުން އާންމުންނަށް ނޭނގޭ އެތައް ކަމެއް އެނގިގެން ދާނެ އެއްޗެއް ކަމަށް ބުންޏެވެ.

ޕީޓާ ވަނީ ކުރިން ވެސް މިއުޒިކް ދާއިރާގެ މަޝްހޫރު ޝަހުސިއްޔަތެއްގެ ޑޮކިއުމަންޓަރީއެއް ގެނެސްދީފަ އެވެ. އެއީ މީގެ ތިން އަހަރު ކުރިން މަރުވި އެމެރިކާގެ ރޮކް ބޭންޑް "ސައުންޑްގާޑެން" ގެ ލަވަކިޔުންތެރިޔާ ކްރިސް ކޯނެލްގެ ޑޮކިއުމަންޓަރީ އެވެ.