އަނިލް ކަޕޫރް އަދިވެސް ވަނީ ޒުވާން

24 އޮކްޓޯބަރ 2020

ބޮލީވުޑްގެ އެކްޓަރު އަނިލް ކަޕޫރް ހަށިިގަނޑު ރީތިކުރަން ފެށި މަސައްކަތުން މިހާރު ވަނީ ވަރަށް ރަނގަޅު ނަތީޖާއެއް ހޯދައިފަ އެވެ. އަންނަ ޑިސެމްބަރު މަހުގެ 24 ގައި 64 އަހަރު ފުރޭ އެކްޓަރު ވަނީ ބުދަ ދުވަހު އޭނާ އިންސްޓަގްރާމްގައި އާންމުކުރި ފޮޓޯތަކާ އެކު އެތައް ބަޔަކު ހައިރާންކޮށްލައިފަ އެވެ.

އަހުމަދު އަދްޝަން

އެ ފޮޓޯތަކުން ފެންނަނީ މުޅިން ތަފާތު މާ ޒުވާން އަނިލްއެކެވެ. އާންމުކުރި ތިން ފޮޓޯގެ ތެރެއިން ދެ ފޮޓޯގައި އަނިލް ފެންނަނީ ހުސްގަޔާ ހުރެ އަތިރިމަތީގައި ހިނގާފައި ދަނިކޮށެވެ. އަނެއް ފޮޓޯގައި އޭނާ އޮތީ ޕޫލެއްގެ ތެރޭގަ އެވެ.

އަނިލްގެ ފޮޓޯތަކަށް ކޮމެންޓްކުރި މީހުންގެ ތެރޭގައި އާއިލާގެ މީހުން ގިނަ އެވެ. އޭގެ ތެރޭގައި ދޮށީ ދަރިފުޅު ސޯނަމް ކަޕޫރާއި އޭނާގެ ފިރިމީހާ އާނަންދު އަހޫޖާ އާއި ދެވަނަ އަންހެން ދަރިފުޅު ރިއާ ކަޕޫރާއި ކޮއްކޮ ސަންޖޭ ކަޕޫރާއި ބޮޑުބޭބެކިޔާ އަރުޖުން ކަޕޫރް ފަދަ އާންމުން ދަންނަ މީސްމީހުން ހިމެނެ އެވެ. މީގެ އިތުރުން އަނިލް ދެއްކި ހިތްވަރަށް އެތައް ސެލެބްރިޓީއަކު ތައުރީފު އޮއްސާލާފައިވެ އެވެ.

View this post on Instagram

This papa doesn't preach, just removes his top and walks to the beach ? Everyone has a weak point. Mine is food . The Punjabi boy in me needs the taste buds ignited, my eyes always bigger than my belly ? During lockdown, I have set myself the task of achieving a new sharper look. This new look needs a new approach to eating . Both Harsh and my trainer Marc have taken it upon themselves to remind me constantly and lay down eating plans . I try and I battle . Some times I even fall. And what I've learnt through it all is that a chain is only as strong as it’s weakest link . So everyone in the house had to get involved . From those who kindly cook my food to the support of my family gathered round me at meal time . Fitness is never a one man/ women crusade , it’s about support and encouragement when we need it the most . (Always get family involved and on board to help you in any diet if you wish to make it truely a success ) Is it easy ? Not always, if I am honest. Some days the Punjabi boy sulks a little, but then some days, like this day with this picture... it makes it all worth it...

A post shared by anilskapoor (@anilskapoor) on Oct 21, 2020 at 1:11am PDT

އަނިލްގެ ރީތިކަމާއި ޒުވާން ދައްކައިލި ފޮޓޯތަކުން ދެން ގިނަ ބަޔަކު އެންމެ އަޅައިގަތް އެއް ކަމަކީ އޭނާގެ އިސްތަށި ނެތް މޭމައްޗެވެ. އަނިލް އަކީ އިސްތަށި ވަރަށް ގިނަ އެކްޓަރެކެވެ. އޭނާގެ ކުރީގެ ފިލްމުތަކުން ބެލުންތެރިންނަށް އެކަން ފާހަގަކުރެވޭނެ އެވެ. އެކަމަކު ހަށިގަނޑަށް މިހާރު ގެނެސްފައި އެ ހުރި ބަދަލާ އެކު އަނިލް އެހެރީ "ކްލީން ޝޭވެން ބޮޑީ" އަކާ އެކީގަ އެވެ. ފެންނަ ފެނުމަށް މިހާރު އަނިލްގެ ފިރިހެން ދަރިފުޅު ހާޝްވަރްދަން ކަޕޫރް، 29، އަށް ވެސް ވުރެ ވެސް ޒުވާނެވެ.

އަނިލްގެ ޒުވާންކަމުގެ ވާހަކަ އަކީ އަބަދު ވެސް ބޮލީވުޑްގައި ހުއްޓުމެއް ނެތި ދެކެވޭ ވާހަކައެކެވެ. އެހެންވެ މި ފަހަރު އޭނާ ދައްކައިލި އާ ލުކާ އެކު، ބައެއް މީހުން ވަނީ އަދިވެސް އަސްލު އުމުރު ދައްކުވައިދޭ ކަހަލަ ރޯލްތައް އަނިލް ކުޅެން ނުޖެހޭ ކަމަށް ބުނެފަ އެވެ.

View this post on Instagram

A post shared by anilskapoor (@anilskapoor) on Jul 7, 2020 at 12:58am PDT

ފޮޓޯތަކާ އެކު އަނިލް ވަނީ ހަށިގަނޑަށް ބަދަލު ގެންނަން ކުރި މަސައްކަތުގެ ބައެއް ވާހަކަތައް ވެސް ހިއްސާކޮށްފަ އެވެ. އެގޮތުން އޭނާ އެންމެ ބޮޑަށް ފާހަގަކުރި އެއް ކަމަކީ ކެއުމުގެ ވައްޓަފާޅި ގެނައި ހެޔޮ ބަދަލުގެ ސަބަބުން ހަށިގަނޑު ރީތިވާން މަގުފަހިކޮށް ދިން ވާހަކަ އެވެ. ކާމިޔާބު އަދި ރީތި އެތައް ފިލްމެއް ކުޅެފައިވާ އަނިލް ބުނިގޮތުގައި އޭނާ އަށް އަބަދު ވެސް އެންމެ އުނދަގޫ ކަމަކީ ރަނގަޅު ޑައިޓެއް ފޮލޯކުރުމެވެ.

"މި ނަތީޖާއާ ހަމައަށް އައުމަކީ އަސްލި ފަސޭހަކަމެއް ވެސް ނޫން. ބައެެއް ދުވަސްތައް ވަރަށް އުނދަގޫ. އެކަމަކު ކުރި މަސައްކަތުގެ އަގުލިބިއްޖެ." އަނިލް ބުންޏެވެ.

އެކަމަކު ޕާސަނަލް ޓްރެއިނަރު މާކް އާއި ދަރިފުޅު ހާޝްގެ އެހީތެރިކަމާ އެކު ލޮކްޑައުންގެ ތެރޭގައި ފޮލޯކުރަން ފެށި ރޫޓިންގެ ސަބަބުން ވަރަށް ބޮޑެތި ބަދަލުތަކާއި ކުރިއެރުންތަކެއް އަތުވެއްޖެ ކަމަށް ބުންޏެވެ. އަނިލް ބުނިގޮތުގައި ވަކި ލަނޑުދަނޑިއެއް ހާސިލުކުރަން ބޭނުން ނަމަ އަމިއްލަ ބަލިފައި ގަބޫލުކޮށް، އަޒުމާއި ހިތްވަރާ އެކު މަސައްކަތްކޮށްފި ނަމަ ކޮންމެ ކަމެއް ވެސް ކާމިޔާބުކުރެވިދާނެކަން އޭނާގެ މި ކަސްރަތީ ދަތުރުގެ ތެރެއިން ކަށަވަރުވެއްޖެ އެވެ.

View this post on Instagram

A post shared by anilskapoor (@anilskapoor) on Aug 24, 2020 at 10:28pm PDT

އަނިލްގެ ހަށިގަނޑު ބުދަ ދުވަހު ދައްކައިލުމުގެ މާ ކުރިން ވެސް އޭނާ ގެންދިޔައީ ސޯޝަލް މީޑިއާ ޕްލެޓްފޯމްތަކުގައި ކަސްރަތަށް ކުރާ ހިތްވަރު ދައްކައިފަ އެވެ. އަނިލް އެ ދެއްކި ހިތްވަރުން ގަބޫލުކުރަން ޖެހެނީ އުމުރަކީ ހަމަ ނަމްބަރެއްކަމެވެ. ބޭނުން ވަނީ ކަމެއް ހާސިލުކުރަން ހިތްވަރެކެވެ.