05 ނޮވެމްބަރ 2020
އިމިގްރޭޝަނަކީ އިގްތިސާދު ކުރިއެރުވުމުގައި މުހިންމު ދައުރެއް އަދާކުރާ ތަނެއް ކަމަށް އިކޮނޮމިކް މިނިސްޓރު ފައްޔާޒް އިސްމާއިލް މިއަދު ވިދާޅުވެއްޖެ އެވެ.
އިމިގްރޭޝަނަކީ އިގްތިސާދު ކުރިއެރުވުމުގައި މުހިންމު ދައުރެއް އަދާކުރާ ތަނެއް ކަމަށް އިކޮނޮމިކް މިނިސްޓރު ފައްޔާޒް އިސްމާއިލް މިއަދު ވިދާޅުވެއްޖެ އެވެ.
އިމިގްރޭޝަނުން ކުރިއަށް އޮތް ފަސް އަހަރަށް ހަދާފައިވާ ސްޓްރެޓެޖިކް އެކްޝަން ޕްލޭން އިފްތިތާހުކޮށްދެއްވުމަށް ފަހު މިނިސްޓަރު ފައްޔާޒު ވިދާޅުވީ ރާއްޖޭގެ އިގްތިސާދުގެ މައިގަނޑަކީ ޓޫރިޒަމް ކަަމަށް ވާއިރު އިމިގްރޭޝަނަކީ އެންފޯސްމަންޓު އިދާރާއަކަށް ވިޔަސް ޓޫރިޒަމްގައި އިމިގްރޭޝަންގެ ދައުރު ވަރަށް ބޮޑުވެފައި މުހިންމު ކަމަށެވެ.
ފައްޔާޒު ވިދާޅުވީ ޓޫރިޒަމް ކުރިއެރުވުމަށް ބައިނަލްއަގުވާމީ ޕްލެޓްފޯމްތަކުގައި ވެސް މަސައްކަތްކުރަމުން އަންނަ އިރު ގައުމަށް އަންނަ ޓޫރިސްޓުންނާ މުހާތަބުކުރާ ގޮތާ މެދު ސަމާލުވާންޖެހޭ ކަމަށެވެ. މިނިސްޓަރު މިހެން ވިދާޅުވީ ރާއްޖެ އަންނަ ކޮންމެ ޓޫރިސްޓަކަށް ވެސް އެންމެ ފުރަތަމަ އަދި އެންމެ ފަހުން ބައްދަލުވާނީ އިމިގްރޭޝަންގެ މުވައްޒަފަކާ ކަން ފާހަގަކުރައްވަމުންނެވެ.
"އަޅުގަނޑުމެންގެ ނެޝެނަލް ސެކިއުރިޓީ ވިޔަސް ދުނިޔޭގަ އަޅުގަނޑުމެން އެކި އެކި ކަންކަމުގައި، ކުޑަ ގައުމަކަށްވާއިރު ދުނިޔޭގެ ގައުމުތަކުގެ ލޯބި ނުވަތަ އިހްތިރާމް އަޅުގަނޑުމެންނަށް ލިބުމަކީ އަޅުގަނޑުމެން އެކި އެކި ފޯރަމްތަކުގައި ލޮބީކުރަން ޖެހޭ ކަންކަމުގައި ދިވެހިރާއްޖެއާ ބާރުވެރިވާނެ ކަމެއްގެ ގޮތުގައި ގަބޫލުކުރަނީ،" ފައްޔާޒު ވިދާޅުވި އެވެ.
ފައްޔާޒު ވިދާޅުވީ ޒަމާން ބަދަލުވަމުން އަންނަ ވަރަކަށް އިދާރާތައް ހިންގުމުގައި ކަންކަމަށް ބަދަލު ގެންނަން ޖެހޭ ކަމަށެވެ. މި ސަރުކާރުން އެ ބަދަލުތައް ގެންނަން މަސައްކަތްކުރަމުން އަންނަ އިރު ގިނަ ގޮންޖެހުންތަކަކާ ކުރިމަތިވާ ކަމަށް ވިދާޅުވި އެވެ. އެގޮތުން އިމިގްރޭޝަނުގައި ވެސް އެފަދަ ގޮންޖެހުންތަކާ ކުރިމަތިވާނެކަން ފާހަގަކުރައްވައި ވިދާޅުވީ ސަރުކާރުގެ އަމާޒަސް އެކްޝަން ޕްލޭނެއް ހަދާފައި އޮތުމަކީ ކަންކަން ބަދަލުކޮށް ހަރުދަނާ ކުރުމަށް ލިބޭނެ ވަރަށް ބޮޑު އެހީއެއް ކަމަށެވެ.
މުހިއްމީ ރިސޯޓް ކުއްޔެއްނޫން، ޖުމްލަ ފައިދާ: ފައްޔާޒް
އާޒިމް ފައްޔާޒަށް: "ކުރި ވައްކަންތައް އެނގޭ"
ޓޫރިޒަމަށް އާ ރަށްތަކެއް ބީލަމަށް ލަނީ
ވަޒީފާ ގެއްލިގެން ރަޖިސްޓަރީ ކުރީ 1،449 މީހުން
މަޓީގެ ބަޔާނަކީ ސަރުކާރުގައި ކޮޅުފައިންޖެހުން: ފައްޔާޒް
އިކޮނޮމިކް ސްޓިމިއުލަސް އަކީ ކޮބާ؟
މާލީ ނިޒާމުގެ މިނިވަންކަން ނަގާލައިފި: ފައްޔާޒް
ރިސޯޓްތަކުގެ މުއްދަތު އިތުރުކުރުމުގެ އުސޫލު ބަދަލުކުރަނީ
ބިދޭސީން އިމުގާ ފޯމް ކުރުމުގެ އުސޫލަށް ބަދަލުތަކެއް
ލަގްޒަރީ ޓޫރިޒަމަށް އަލުން އޮފުއެރުވުން: ވިސްނަންވެއްޖެ