21 ޑިސެމްބަރ 2020
ބޮލީވުޑްގެ ތަރިންތަކެއްގެ މައްޗަށް ކުރެވިފައިވާ މަސްތުވާތަކެތީގެ ތުހުމަތުތަކާ ގުޅިގެން ނާކޮޓިކްސް ކޮންޓްރޯލް ބިއުރޯ (އެންސީބީ) އިން ސުވާލުކުރި އެކްޓަރު އަރުޖުން ރާމްޕާލް ވަރަށް ސިއްރިޔާތުން މިހާރު އިންޑިއާ ދޫކޮށް ހިނގައްޖެ ކަމަށް ބުނާ ވާހަކަ އޭނާ ދޮގުކޮށްފި އެވެ.
ބޮލީވުޑްގެ ތަރިންތަކެއްގެ މައްޗަށް ކުރެވިފައިވާ މަސްތުވާތަކެތީގެ ތުހުމަތުތަކާ ގުޅިގެން ނާކޮޓިކްސް ކޮންޓްރޯލް ބިއުރޯ (އެންސީބީ) އިން ސުވާލުކުރި އެކްޓަރު އަރުޖުން ރާމްޕާލް ވަރަށް ސިއްރިޔާތުން މިހާރު އިންޑިއާ ދޫކޮށް ހިނގައްޖެ ކަމަށް ބުނާ ވާހަކަ އޭނާ ދޮގުކޮށްފި އެވެ.
މިހާރު ދެކުނު އެފްރިކާގެ އަންހެނަކާ ލޯބީގެ ގޮތުން ގުޅިގެން އޭނާ އަށް ދަރިއަކު ވެސް އޮތް 48 އަހަރުގެ އެކްޓަރު އިންޑިއާ ދޫކޮށް ގޮސްފަައިވާ ކަމަށް މީޑިއާތަކުން ބުނެފައި ވަނީ މިއަދު ދެވަނަ ފަހަރަށް އެންސީބީ އަށް ހާޒިރުވާން ނޯޓިސް ފޮނުވާފައި ވަނިކޮށެވެ.
އެ ނޯޓިހާ ގުޅިގެން އެންސީބީ އަށް ހާޒިރުވާން ހަފުތާއެއްހާ ދުވަހުގެ މުއްދަތު ދިނުމަށް އެދި އަރުޖުން ހުށަހަޅާފައިވާ ކަމަށް ވެސް ބައެއް މީޑިއާތަކުން ބުނެފައިވެ އެވެ. އަދި އޭނާ މި ވަގުތު އިންޑިއާގައި ނެތް ކަމަށާއި ގައުމު ދޫކޮށް ގޮސްފައިވާ ކަމަށް ބައެއް މީޑިއާތަކުން ރިޕޯޓްކުރުމުން "ގައުމުގައި އެބަހުރިން" ކަމަށާއި "މި އުޅެނީ ވެބް ސީރީޒް ނެއިލްޕޮލިޝްގެ ޕްރޮމޯޝަންގައި" ކަމަށް ބުނެ ޓްވީޓްކޮށްފައިވެ އެވެ.
Very much in the country, in fact just doing promotions for #nailpolish I guess some news channels have become travel agents.. lol #FakeNews
— arjun rampal (@rampalarjun) December 19, 2020
އެ ޚަބަރު ފެތުރި މީޑިއާތަކަށް އިޝާރާތްކޮށް އަރުޖުން ބުނީ ބައެއް މީޑިއާތައް މިހާރު ހީވަނީ ޓްރެވެލް އެޖެންޓްތަކެއްހެން ކަމަށެވެ.
އެންސީބީން ކުރިއަށް ގެންދާ ތަހުގީގަށް ދެވަނަ ފަހަރަށް އަރުޖުން ހާޒިރުކުރާ އިރު، އޭނާގެ މައްޗަށް ކުރެވޭ ތުހުމަތުތަކާ ގުޅިގެން، ގެ ވެސް ރެއިޑްކޮށް އެންސީބީ އަށް އެންމެ ފުރަތަމަ ހާޒިރުކުރީ މިދިޔަ މަހުގެ ތެރޭގަ އެވެ. އޭރު އޭނާ ބުނެފައި ވަނީ މަސްތުވާތަކެތީގެ އެއްވެސް ކަމަކާ އެއްވެސް ގުޅުމެއް ނޯންނާނެ ކަމަށެވެ.
މިހާރު ވަރަށް މަދުން ފިލްމުތަކުން ފެންނަ އަރުޖުންގެ ބޮޑު ފިލްމެއް ވެސް ކުރިއަށް އެބައޮތެވެ. އެއީ މި މަހުގެ ކުރީކޮޅު ޕޯސްޓަރު ވެސް ދައްކައިލި ތާރީހީ ހަނގުރާމަ ފިލްމު "ދަ ބެޓްލް އޮފް ބީމާ ކޮރެގާއޯ" އެވެ. އެ ފިލްމު ރިލީޒްކުރާނެ ތާރީހެއް އަދި އިއުލާނެއް ނުކުރެ އެވެ.
ދަރިފުޅު ހައްޔަރުކުރި ވާހަކަ ކިިޔަން ޝާހްރުކަށް ހުށަހެޅި
ޝާހްރުކްގެ ދަރިފުޅާ މެދު ކަންތައް ކުރަނީ "ޒާތީކޮށް"
ޝާހްރުކްގެ އެއްބަސްވުން ބައިޖޫ އިން އުވައިލަފާނެ!
ޝާހްރުކްގެ ދަރިފުޅަށް ޑްރަގްސް ބޭނުންކުރުމުގެ ތުހުމަތު
މަސްތުވާތަކެއްޗާ ގުޅުމެއް ނޯންނާނެ: އަރުޖުން
ޑްރަގްސް މައްސަލާގައި މުޅި ބޮލީވުޑް ގޯހެއް ނުކުރެވޭނެ
ޑްރަގާ ގުޅުވަނީ އަގުވައްޓާލަން: ކަރަން
ޑްރަގްގެ ތުހުމަތުން ބޮލީވުޑަށް ބޮޑު ލަދެއް
ކަފާލާތަށް ރިއާ ދުލެއް ނުކުރި، ބަންދަށް 14 ދުވަސް
ސުޝާންތުގެ މަރާ ގުޅޭ ޑްރަގް ކޭސްއެއްގައި ރިއާ ހައްޔަރު