ލުއީ ވިޓޯންގެ ގުޑިއެއް 10،400 ޑޮލަރަށް

ގުޑިއަރުވާ ހިތްވާ ނަމަ ކުޑަ އަގެއް ދީފައި އޭގެ އެއްޗެއް ގަންނަންވީ އެވެ. އެކަމަކު ފްރާންސްގެ މަޝްހޫރު ފެޝަން ކުންފުނިން ލުއީ ވިޓޯންގެ މި ގުޑީގެ އަގަކީ 10،400 ޑޮލަރެވެ. ދިވެހި ރުފިޔާއިން ނަމަ 160،368ރ. އެވެ.

ލުއީ ވިޓޯނުން އެންމެ ފަހުން ނެރުނު ފޭސްމާސްކާއި ފޭސް ޝީލްޑް ވެސް ވިއްކަނީ ވަރަށް ބޮޑު އަގެއްގައި ކަމަށް ވާތީ މިއީ ހައިރާންވާ ވަރުގެ ކަމަކަށް އަސްލު ނުވެ އެވެ.

ލުއީ ވިޓޯންގެ މޮނޮގްރާމް ވެސް ހިމެނޭ ޓެކްނިކަލް ނައިލޮންގައި އުފައްދާފައިވާ އަގު ބޮޑު ގުޑީގައި މާ ހާއްސަ ސިފައެއް ވެސް ނެތެވެ. އަމިއްލަ އަށް މީހަކު ނޫސްކަރުދާސްގަނޑަކުން ތައްޔާރުކޮށްލާ ކަހަލަ ގުޑިއަކާ މިއާ މާބޮޑު ތަފާތެއް ނެތީ އެވެ.

ބޮޑު މިނުގައި 30 އިންޗި ހުންނަ ގުޑި ވިއްކަނީ ލުއީ ވިޓޯންގެ މޮނޮގްރާމް ހިމެނޭ ހާއްސަ ޕެކެކެވެ. މި ގުޑި އެންމެ ފުރަތަމަ އެ ކުންފުނިން ދައްކައިލި މިދިޔަ އަހަރުގެ ބަހާރު/ހޫނު މޫސުމުގެ ކަލެކްޝަންތައް ދައްކައިލަން ބޭއްވި ޝޯގެ ތެރޭގައި ޕްރޮޕެއްގެ ގޮތުގަ އެވެ.

އެކަމަކު އަގު ބޮޑު ގުޑި މިހާރު މިއޮތީ ގަންނާނެ ބަޔަކު ގަންނަން ވިޔަފާރި އަށް ހުޅުވާލައިފަ އެވެ.