ގޮއްވާލާފައި ވަނީ އެތައް ދަރަޖަ ބާރުގަދަ އައިއީޑީއެއް

ނަޝީދަށް އަމާޒުކުރި އައިއީޑީ، ސަލްޓަން ޕާކުގައި ބޭނުންކުރި ޑިވައިސް އަށް ވުރެ ބާރުގަދަ: ޝަމާލް

07 މެއި 2021

ރައްޔިތުންގެ މަޖިލީހުގެ ރައީސް މުހައްމަދު ނަޝީދަަށް ރޭ ދިން ޓެރަރިސްޓް ހަމަލާއާ ގުޅިގެން ކުރަން ޖެހުނު ހުރިހާ ސާޖަރީއެއް ނިމިފައިވާ ކަމަށް އާއިލާ އާއި އޭޑީކޭ އިން ބުނެފި އެވެ.

ނަޝީދުގެ ކޮއްކޯފުޅު ނާޒިމް އަބްދުއްސައްތާރު މީގެ ކުޑައިރުކޮޅެއް ކުރިން ކުރެއްވި ޓްވީޓެއްގައި ވިދާޅުވީ ހުރިހާ ސާޖަރީއެއް ނިންމާލައިފި ކަމަށާއި ދެން އޮތީ ފަސޭހަ ވުމުގެ ދިގު މަގު ކަމަށެވެ.

They have finished surgery and now it’s the long road to recovery ?
— Nazim Sattar (@nazimsat) May 7, 2021

އެޑީކޭ އިން ކުރި ޓްވީޓެއްގައި ބުނީ 16 ގަޑިއިރުގެ ތެރޭގައި ކުރި ކާމިޔާބު އޮޕަރޭޝަންތަކަކަށް ފަހު، ރައީސް ނަޝީދު މިހާރު ބާއްވާފައި އޮތީ އައިސީޔޫގައި ކަމަށެވެ. އެމަނިކުފާނުގެ ހާލަތު ކްރިޓިކަލް ކަމަށް ވެސް ޓްވީޓްގައި ވެ އެވެ. ރައީސް ނަޝީދުގެ ބޮލުގެ، އަތާއި ފައިގެ މަސްގަނޑުގެ، އަދި ފުރަމެ އާއި ބަނޑުގެ ސާޖަރީއެއް ވަނީ ހަދައިފަ އެވެ.

President Nasheed underwent a successful final, critical, life-saving procedure this afternoon. Over the course of past 16 hours he had life-saving surgery on injuries to his head, chest, abdomen and limbs. He remains in a critical condition in intensive care.
— ADK Hospital (@ADKHospital) May 7, 2021

ނަޝީދަށް ހަމަލާ ދޭން އެއްޗެއް ގޮއްވާލީ އެ މަނިކުފާނު އުޅުއްވާ ގ. ކެނެރީގެ އިން ނުކުމެ ވަޑައިގެން ކާރަށް އަރާ އަރާ ވަޑައިގަންނަވަނިކޮށް ކާރާ ވަރަށް ކައިރިންނެވެ. މި ހަމަލާގައި އިތުރު ހަތަރު މީހަކު ވެސް ޒަހަމްވި އެވެ.

Comments