މިނިސްޓަރު ޝާހިދު އިންޑިއާގެ ސަފީރާ ބައްދަލުކުރައްވައިފި

07 ޖުލައި 2021

ފޮރިން މިނިސްޓަރު އަބްދުﷲ ޝާހިދު، އިންޑިއާ އިން ރާއްޖެ ކަނޑައަޅާފައި ހުންނަވާ ސަފީރު ސަންޖޭ ސުދީރުއާ މިއަދު ބައްދަލުކުރައްވައިފި އެވެ.

އިފްރާޒް އަލީ

އެ މިނިސްޓްރީގައި ބޭއްވި އެ ބައްދަލުވުމަށް ފަހު މިނިސްޓަރު ވިދާޅުވީ އިންޑިއާގެ އެހީތެރިކަމާ އެކު ރާއްޖޭގައި ހިންގަމުން އަންނަ މަޝްރޫއުތަކާ ގުޅޭ ގޮތުން މަޝްވަރާކުރެވުނު ކަމަށެވެ. އަދި އިންޑިއާގެ އެހީގައި ހަދަން ނިންމާފައިވާ މާލެ އާއި ތިލަފުށި ގުޅުވާލާ ބްރިޖާ ގުޅޭ ގޮތުން މަޝްވަރާ ކުރެވުނު ކަމަށް ވިދާޅުވި އެވެ.

މި ސަރުކާރުން މިހާތަނަށް އިއުލާނުކޮށްފައިވާ އެންމެ ބިޔަ ޕްރޮޖެކްޓް، ތިލަ-މާލެ ބްރިޖު ހަދަނީ އިންޑިއާގެ ކުންފުންޏަކުންނެވެ. ނަމަވެސް ރަސްމީކޮށް އަދި އެ މަޝްރޫއު ހަވާލެއް ނުކުރެ އެވެ.

Met with the High Commissioner of India Sunjay Sudhir today.

Discussions focused on progress of development projects under Indian grant assistance and Line of Credit, including the Greater Male’ Connectivity Project. pic.twitter.com/xTswmoyaI5
— Abdulla Shahid (@abdulla_shahid) July 7, 2021

އެ މަޝްރޫއު އަށް، އިންޑިއާ އިން 100 މިލިއަން ޑޮލަރުގެ އެހީއާ އެކު 400 މިލިއަން ޑޮލަރުގެ ލޯނެއް ވެސް ދީފައިވެ އެވެ.

މާލެ، ވިލިނގިލި، ގުޅީފަޅު އަދި ތިލަފުށި ގުޅާލާ ގޮތަށް އަޅަން ނިންމާފައިވާ ތިލަ-މާލެ ބްރިޖުގެ މަސައްކަތް ފެށުމަށް އިންޑަސްޓްރިއަލް ވިލެޖުގައި ޕާކުކޮށްފައިވާ ވެހިކަލްތައް ނަގައި އެތަން ހުސްކުރަން ޕްލޭނިން މިނިސްޓްރީން އިއްޔެ ވަނީ އަންގައިފަ އެވެ.

Comments