އޭޖީ އޮފީހުން ފަނޑިޔާރުންނާއި ވަކީލުންގެ ފުޓްސަލް މުބާރާތެއް ބާއްވަނީ

ރާއްޖޭގެ ޝަރުއީ އަދި ގާނޫނީ ދާއިރާއަށް ހާއްސަކޮށް ފަނޑިޔާރުންނާއި ވަކީލުން ބައިވެރިވާ ފުޓްސަލް މުބާރާތެއް އެޓާނީ ޖެނަރަލް އޮފީހުގެ ބަންޑާރަ ނައިބު އޮފީހުގެ "ބަންޑާރަ ކްލަބް" އިން އިއުލާންކޮށްފި އެވެ.

"ބަންޑާރަ ކަޕް 2022" ގެ ނަމުގައި ބާއްވާ މުބާރާތް ކުރިއަށް ދާނީ އަންނަ އަންނަ މަހުގެ 1-7 ގެ ނިޔަލަށެވެ.

މި މުބާރާތުގައި 21 ޓީމުން ބައިވެރިވެފައިވެ އެވެ. އެއީ ފިރިހެން 16 ޓީމާއި އަންހެން އަށް ޓީމެވެ. ވަކިވަކި ކޯޓްތަކުން ވެސް ވަނީ ޓީމުތައް ބައިވެރިކޮށްފަ އެވެ. އަދި ލޯ ފާމްތަކާއި ރައްޔިތުންގެ މަޖިލީހާއި ރައީސް އޮފީހުން ވެސް ޓީމުތައް ވާދަކުރާނެ އެވެ.

ގައުމީ ޔުނިވަސިޓީގެ އޮޑިޓޯރިއަމްގައި ރޭ ބޭއްވި ހަފުލާގައި މުބާރާތް ރަސްމީކޮށް ލޯންޗު ކޮށްދެއްވީ ކުރީގެ އެޓާނީ ޖެނަރަލް އަބްދުﷲ މުއިއްޒު އެވެ.

އެ ހަފުލާގައި ބަންޑާރަ ކްލަބްގެ ރައީސް ފާތިމަތު ހަލީމް ވިދާޅުވީ މުބާރާތުގެ މަގްސަދަކީ ޝަރުއީ އަދި ގާނޫނީ ދާއިރާގައި ހިމެނޭ މުއައްސަސާތަކާއި ގާނޫނީ ހިދުމަތް ފޯރުކޮށްދޭ އަމިއްލަ ތަންތަނުގައި މަސައްކަތްކުރާ މުވައްޒަފުންގެ މެދުގައި ކުޅިވަރު މާހައުލުގެ ތެރެއިން ރަނގަޅު ގުޅުމެއް އުފެއްދުން ކަމަށެވެ.

މިއަހަރުން ފެށިގެން ކޮންމެ އަހަރަކު ވެސް މި މުބާރާތް ބޭއްވުމަށް މަސައްކަތް ކުރާނެ ކަމަށް ވެސް އޭނާ ވިދާޅުވި އެވެ.