ސެމްސަންގްގެ ފަތްޖެހޭ ފޯނު އުރީދޫގެ މޫލީ އަށް

ސެމްސަންގުން މާކެޓަށް ނެރުނު އާ ފޯނު އުރީދޫގެ އޮންލައިން ޝޮފް، މޫލީ އިން ލިބޭނެ އިންތިޒާމު ހަމަޖައްސައިފި އެވެ.

އެ ކުންފުނިން މިއަދު ބުނީ، ހުރިހާ ކަސްޓަމަރުންނަށް ވެސް "ފޯލްޑަބަލް"، "ސެމްސަންގް ޒީ ފޯލްޑް" ފޯނު ގަތުމަށް "މޫލީ" މެދުވެރިކޮށް އޯޑަރު ކުރެވޭނެ ކަމަށެވެ. ރާއްޖޭގެ ކޮންމެ ހިސާބެއްގައި ހުރި މީހަކު ވިޔަސް އެ މީހެއްގެ ގެ އަށް އެ ފޯނު ޑެލިވަރީ ކޮށްދޭނެ ކަމަށް އުރީދޫން ބުނެ އެވެ.

ސެމްސަންގް ޒީ ފޯލްޑް ފޯނަކީ ޕްރިމިއަމް ފޯނެކެވެ. މާކެޓުގައި މިހާރު ހުރި އެންމެ އަގު ބޮޑު ފޯނުތަކުގެ ތެރޭގައި ހިމެނޭ އެ ފޯނަކީ 7.6 އިންޗީގެ ޑިސްޕްލޭއެއް ހުންނަ ފަތް ޖަހާލެވޭ ފޯނެކެވެ. މޫލީ އިން ލިބެން ހުރީ އެ ފޯނުގެ 25 ޖީބީގެ ފެންޓަމް ބްލެކް ކުލައިގެ ފޯނެވެ.

އުރީދޫން ބުނީ މޯލްޑިވްސް އިސްލާމިކް ބޭންކުގެ އިންސްޓޯލްމަންޓް ސްކީމު މެދުވެރިކޮށް ވެސް އެ ފޯނު ގަނެވޭނެ ކަމަށެވެ.