އިންޓަޕޮލްއިން ދިވެހި ފުލުހަކަށް ފުރުސަތު ލިބިއްޖެ

އިންޓަޕޮލްގައި މަސައްކަތްކުރަން ދިވެހި ފުލުހަކަށް ފުރުސަތު ލިބިއްޖެ

18 އޮކްޓޯބަރ 2022

އިންޓަޕޮލްގައި މަސައްކަތްކުރަން ދިވެހި ފުލުހަކަށް ފުރަތަމަ ފަހަރަށް ފުރުސަތު ލިބިއްޖެ އެވެ.

އާސިމާ ނިޒާރު

އިންޓަޕޮލްގައި މަސައްކަތްކުރަން ދިވެހި ފުލުހަކަށް ފުރަތަމަ ފަހަރަށް ފުރުސަތު ލިބިއްޖެ އެވެ.

ޕޮލިސް ކޮމިޝަނަރު މުހައްމަދު ހަމީދު މިރޭ ކުރެއްވި ޓްވީޓުގައި ވިދާޅުވީ އިންޓަޕޮލްގެ ހެޑްކުއާޓަރުގެ ފައިނޭންޝަލް ކްރައިމް ސެންޓަރުގައި މަސައްކަތްކުރަން ދިވެހި ޗީފް އިންސްޕެކްޓަރަކަށް ފުރުސަތު ލިބިފައިވާ ކަމަށެވެ.

ތިން އަހަރު ދުވަހުގެ މުއްދަތަކަށް މަސައްކަތްކުރާނެ އޮފިސަރަކު ހޮވާފައިވަނީ އިންޓަޕޮލްއިންނެވެ. ފްރާންސްގައި ހުންނަ ހެޑް ކުއާޓަރުގައި އެ އޮފިސަރު މި އަހަރުގެ ފަހުކޮޅު މަސައްކަތްކުރަން ފައްޓަވާނެ ކަމަށް ސީޕީ ވިދާޅުވި އެވެ.

This demonstrates Maldives’ contribution to enhance the globe’s effort to fight crime. This would put @PoliceMv’s flag high among others in the international arena, and pave ways for MPS to further develop its capacity & capabilities. Congratulations to the ?? police fraternity!
— Mohamed Hameed (@M_Hameedh) October 18, 2022

އޭނާ ވިދާޅުވި ގޮތުގައި އެ ކަމުން ދައްކުވައި ދެނީ ކުށްކުރުން ހުއްޓުވުމަށް ދުނިޔޭގެ އެކި ކަންކޮޅުތަކުގައި ކުރަމުންދާ މަސައްކަތްތައް އިތުރުކުރަން ރާއްޖެ އިން ކުރާ މަސައްކަތެވެ.

އެ ކަމުގެ ސަބަބުން ބައިނަލްއަގުވާމީ މައިދާނުގައި އެހެނިހެން ފަރާތްތަކުގެ މެދުގައި ދިދަ އުފުލުމާއި ފުލުހުންގެ ގާބިލްކަން އިތުރަށް ކުރިއެރުވުމަށް މަގުފަހިވާނެ ކަމަށް އޭނާ ވިދާޅުވި އެވެ.

"ދިވެހި ފުލުހުންނަށް މަރުހަބާ،" ހަމީދުގެ ޓްވީޓުގައި ވެ އެވެ.

އިންޓަޕޮލް ނުވަތަ އިންޓަނޭޝަނަލް ޕޮލިސްއަކީ މީގެ 99 އަހަރު ކުރިން އުފެއްދި ޖަމާއަތެކެވެ. އިންޓަޕޮލްގައި 195 ގައުމަކުން ބައިވެރިވެފައިވެ އެވެ.

Comments