19 އޮކްޓޯބަރ 2022
ފުލުހުންގެ ޓްރެފިކް ޗެކްޕޮއިންޓަކުން ސަލާމަތްވުމަށް، މަގުމަތީގައި ސައިކަލް ޕާކުކުރި މީހަކު ބަލައި ފާސްކުރަމުން ދަނިކޮށް، އެއްލައިލި ރަބަރު ޕެކެޓަކުން މަސްތުވާތަކެތި ފެނުނު މައްސަލައިގައި އެ މީހާ އުމުރަށް ޖަލަށްލާން ކްރިމިނަލް ކޯޓުން އިއްޔެ ހުކުމްކޮށްފި އެވެ.
ފުލުހުންގެ ޓްރެފިކް ޗެކްޕޮއިންޓަކުން ސަލާމަތްވުމަށް، މަގުމަތީގައި ސައިކަލް ޕާކުކުރި މީހަކު ބަލައި ފާސްކުރަމުން ދަނިކޮށް، އެއްލައިލި ރަބަރު ޕެކެޓަކުން މަސްތުވާތަކެތި ފެނުނު މައްސަލައިގައި އެ މީހާ އުމުރަށް ޖަލަށްލާން ކްރިމިނަލް ކޯޓުން އިއްޔެ ހުކުމްކޮށްފި އެވެ.
ހ. ސަތުހު، މިސްހާދު ނަޝީދުގެ މައްޗަށް ޖަދުވަލު އެކެއްގައިވާ މަސްތުވާއެއްޗެއް ޓްރެފިކް ކުރުމުގެ ދައުވާ ކުރީ ނޮވެމްބަރު 22، 2020 ވަނަ ދުވަހު ފާށަނާކިލޭގެފާނު މަގުގައި ފުލުހުން ޖެހި ޗެޕްޕޮއިންޓަކުން ސަލާމަތް ވާން، އޭނާ ސައިކަލު ޕާކު ކުރުމާއެކު، ޝައްކު އުފެދިގެން ފުލުހުން ބަލައިފާސްކުރި އިރު އެއްލައިލި ކަމަށް ބުނާ ރަބަރު ޕެކެޓަކުން ފަސް ގްރާމްގެ މެތު ފެނުނު މައްސަލައިގަ އެވެ.
މިސްހާދުގެ މައްޗަށް ކުށް ސާބިތުވާ ކަމަށް ކަނޑައަޅައި ގާޒީ އިސްމާއިލް ޝަފީއު ނިންމެވީ 25 އަހަރަށް ޖަލަށްލައި 100،000ރ. އިން ޖޫރިމަނާ ކުރާށެވެ.
ޓްރެފިކް ޗެކް ޕޮއިންޓުގައި ހުރި ފުލުހަކު ކޯޓުގައި ހެކިބަސް ދެމުން ބުނީ، އާންމުކޮށް ޗެކްޕޮއިންޓުތަކުން ސަލާމަތް ވާން ޕާކުކުރާ މީހުންނާ ފުލުހުން ސުވާލުކުރާ ކަމަށެވެ. އެ ދުވަހު މިސްހާދު ސައިކަލުގައި ދިޔައީ ބާރު ސްޕީޑުގައި ކަމަށާއި އެކަމަކު ޗެކްޕޮއިންޓް ފެނުމުން ސައިކަލު ޕާކުކުރީ ކަމަށް ކޯޓުގައި ހެކިބަސް ދިން ދެވަނަ ފުލުސް މީހާ ބުންޏެވެ.
މިސްހާދު ކައިރި އަށް ފުލުހުން ގޮސް ހުއްޓުވައި ސުވާލު ކުރުމުން ބިރުގަނެ ތުރުތުރުލާކަން ފާހަގަކުރެވުނު ކަމަށް ފުލުހުން ކޯޓުގައި ކިޔައިދިނެވެ. އަދި ޝައްކެއް އުފެދިގެން، މިސްހާދު ބަލައިފާސްކުރަމުން ދަނިކޮށް، އަތުގެ މުށު ތެރެއިން ބިންމައްޗަށް ރަބަރު ޕެކެޓެއް ވައްޓާލިތަން ފެނުނު ކަމަށް ދެ ފުލުހުން ވެސް ހެކިބަސް ދީފައިވެ އެވެ. އެ ފުލުހުން ބުނިގޮތުގައި އެ އެ ޕެކެޓު ނަގައި، މިސްހާދުއާ ސުވާލު ކުރުމުން އެއީ އޭނާގެ އެއްޗެއް ނޫން ކަމަށް ބުނި ކަމަށެވެ.
މަސްތުވާތަކެއްޗާ ބެހޭ ގާނޫނުގައިވާ ގޮތުން ޖަދުވަލު އެކެއްގައިވާ މަސްތުވާތަކެތީގެ ތެރެއިން ޑައިމޯފިން އާއި ކެނަބިސް ފިޔަވައި އެ ޖަދުވަލުގައި ބަޔާންކުރާ އެހެން ހުރިހާ މަސްތުވާއެެއްޗެއްގެ އެންމެ ގްރާމެއް އަތުގައި އޮތަސް އެއީ ޓްރެފިކް ކުރަން ގެންގުޅޭ އެއްޗެއް ކަމަށް ބެލެވޭނެ އެވެ.
މިސްހާދު، ދައުވާ އަށް ކުރީ އިންކާރެވެ. ދިފާއުގައި މައިގަނޑު ގޮތެއްގައި ބުނީ ސީނުން ނެގި ޑްރަގް ފުލުހުން އެވިޑެންސް ބޭގަކަށް ލާފައި ބަންދުކޮށްފައި ނެތުމުން، ޗެއިން އޮފް ކަސްޓަޑީއާ މެދު ސުވާލު އުފެދޭ ކަމަށެވެ.
މިސްހާދު ހައްޔަރުކުރި ފުލުހުން ޝަރީއަތުގައި ބުނީ، ކުޑަ ވަގުތުކޮޅެއްގެ ތެރޭގައި އޭނާ ގޮވައިގެން ޕޮލިސް ސްޓޭޝަނަށް ގެންދިޔަ ކަަމަށާއި ޗެއިން އޮފް ކަސްޓަޑީ ފުރިހަމަ ކޮށްފައިވާނެ ކަމަށެވެ. ކޯޓުގައި ހެކިބަސް ދިނީ، އޭރު ޓްރެެފިކް ޗެކްޕޮއިންޓެއް ޖަހައިގެން ތިބި ދެ ފުލުހުން ކަމަށާއި އެ މީހުން އަތުގައި އެވިޑެންސް ރައްކާ ކުރާނެ އެއްޗެހި ނުހުންނާނެކަން ފާހަގަ ކުރި އެވެ.
ހުކުމުގައި ވަނީ ފުލުހުންގެ ޗެއިން އޮފް ކަސްޓަޑީގައި ހުރިހާ ކަމެއް ފުރިހަމަކުރި ކަމަށެވެ. އެވިޑެންސް ބަންދު ކުރުމަށް ކުޑަވަގުތުކޮޅެއް ނެގި ނަމަވެސް އެއީ ޝަރީއަތަށް ބަލައިނުގަނެ ދޫކޮށްލަން ޖެހޭ ފަދަ ސަބަބެއް ނޫން ކަމަށް ހުކުމުގައި ބުންޏެވެ.
ޗެކްޕޮއިންޓުގައި ތިބޭ ފުލުހުން އަތުގައި އެވިޑެންސް ބޭގު ފަދަ އެއްޗެހި ނޯންނާނެކަން ވެސް ހުކުމުގައި ފާހަގަކުރި އެވެ. އެ މީހުންނަށް ވެސް ޖިނާއީ ކުށެއް ކުރާ ތަން ފެނިއްޖެ ނަމަ އެކަން ހުއްޓުވައި ހެކި ހޯދައި ހިފެހެއްޓުމުގެ ހުއްދަ އޮންނާނެ ކަމަށް ވެ އެވެ.
ކެނެބިސް ޓްރެފިކްގެ މައްސަލައަކާ ގުޅިގެން މީހަކު ހޯދަނީ
ގިނަ އަދަދެއްގެ ޑްރަގާއި ރަލާއެކު ބަޔަކު ހައްޔަރު
އިރުފާން ދޫކޮށްލަން ހައި ކޯޓުން މިފަހަރު ތާއީދު!
މަސްތުވާތަކެތީގެ ދައުވާތަކުން ޕެސްޓު ސަލާމަތްވެއްޖެ
ތިން ކިލޯގެ ޑްރަގާ ހަވާލުވާންދިޔަ މީހާ އުމުރަށް ޖަލަށް
ޑްރަގު އެތެރެކޮށްފައި ބުނީ ފޮށީގައި ހުރިކަން ނޭނގެއޭ
10 ކިލޯގެ ޑްރަގް ގެނައި މީހާގެ ބަންދަށް އެއް ދުވަސް
7 މިލިއަންގެ ޑްރަގް ބަލައި ދިޔަ އެކަކު ދޫކޮށްލައިފި
ޑްރަގްގެ ތުހުމަތަށް ބުނީ، އަތުން ފެނުނީ ފުށް ކަމަށް
ކެނަބިސް ޓްރެފިކްކުރުމާ ގުޅިގެން ދެ މީހަކު ހޯދަނީ