ރައީސް އިބްރާހިމް މުހައްމަދު ސޯލިހު، މޯލްޑިވްސް ޑިވެލޮޕްމެންޓް އެލަޔަންސް (އެމްޑީއޭ)ގެ ލީޑަރު އަދި ރައްޔިތުންގެ މަޖިލީހުގެ މީދޫ ދާއިރާގެ މެމްބަރު އަހުމަދު ސިޔާމް މުހައްމަދު (ސަން ސިޔާމް) އާ މިއަދު ބައްދަލުކުރައްވައިފި އެވެ.
31 ޖެނުއަރީ 2023
ރައީސް އިބްރާހިމް މުހައްމަދު ސޯލިހު، މޯލްޑިވްސް ޑިވެލޮޕްމެންޓް އެލަޔަންސް (އެމްޑީއޭ)ގެ ލީޑަރު އަދި ރައްޔިތުންގެ މަޖިލީހުގެ މީދޫ ދާއިރާގެ މެމްބަރު އަހުމަދު ސިޔާމް މުހައްމަދު (ސަން ސިޔާމް) އާ މިއަދު ބައްދަލުކުރައްވައިފި އެވެ.
އެ ބައްދަލުކުރެއްވުން އޮތީ މިއަދު މެންދުރު ރައީސް އޮފީހުގަ އެވެ. އެ އޮފީހުން އެކަން "މިހާރު" އަށް ކަށަވަރުކޮށްދިން ނަމަވެސް އިތުރު ތަފުސީލެއް ނުދެ އެވެ.
އަންނަ ސެޕްޓެމްބަރު 9 ގައި އޮންނަ ރިޔާސީ އިންތިހާބުގައި ވާދަކުރައްވާނެ ކަމަށް ސިޔާމް ވަނީ ކުރިން ވިދާޅުވެފަ އެވެ. އަދި އެމްޑީޕީގެ ޕްރައިމަރީ އިންތިހާބު ކާމިޔާބުކުރެއްވުމާ އެކު ރައީސް ވެސް އަންނަ ރިޔާސީ އިންތިހާބުގައި ވާދަކުރައްވާނެ އެވެ. އެހެންވެ، ބެލެވެނީ މިއީ ދެ ބޭފުޅުން ގުޅިގެން މަސައްކަތްކުރުމާ ގުޅޭ ގޮތުން މަޝްވަރާކުރުމަށް ބޭއްވި ބައްދަލުވުމެއް ކަމަށެވެ.
މީގެ ކުރިން އެމްޑީޕީން އެމްޑީއޭއާއެކު ސިޔާސީ އެއްވެސް މަސައްކަތެއް ކޮށްފައެއް ނުވެ އެވެ. އެ ޕާޓީން ކުރިން ސިޔާސީ ހަރަކާތްތައް ހިންގީ އެމްޑީޕީއާ ވާދަވެރި ޕީޕީއެމްއާ އެކުގަ އެވެ. އަދި ކުރީގެ ރައީސް އަބްދުﷲ ޔާމީންގެ ސަރުކާރުގައި ޕީޕީއެމްއާއެކު އެ ޕާޓީން ކޯލިޝަން ވެސް ހެދި އެވެ.
މި ސަރުކާރާ އެކު ތިބި އެއްވެސް ޕާޓީއަކުން އަންނަ ރިޔާސީ އިންތިހާބުގައި ރައީސްއާއެކު ކޯލިޝަން ހަދާނެ ކަމަކަށް އަދި ނުބުނެ އެވެ. އެކަމަކު ރައީސްގެ ވިސްނުންފުޅު ހުންނެވީ ކޯލިޝަނަކާއެކު ކުރިއަށް ވަޑައިގަތުމަށެވެ.
އެމްޑީއޭގެ ނިންމުން ރަނގަޅު ނޫންކަން ފެންނާނެ: ރައީސް
ސިޔާމްގެ ސަބަބުން ބޭރުން ފައިސާ ލިބޭނެކަން ވެސް ޔަގީން
"އެންމެ އުފާވަނީ އެމްޑީޕީން ލާދީނީ ފިކުރު ދިއުމުން"
ކޯލިޝަނަށް އެއްބާރުލުން ދޭން ސިޔާމް އެދިވަޑައިގެންފި
އެމްޑީޕީއާ ކޯލިޝަން ހަދަން ސިޔާމްގެ ޕާޓީން ނިންމައިފި
ކޯލިޝަނަށް އެމްޑީއޭއިން އެމްޑީޕީއާ މަޝްވަރާ ފަށައިފި
ލީޑަރުން ދެއްވީ އެއްބާރުލުން ދޭނެކަމުގެ ޔަގީންކަން
އިމްރާން ވިދާޅުވީ އަދާލަތުން ތިބީ ރައީސާ އެކު ކަމަށް
ފައްޔާޒުގެ ހިތްވަރުގެ ބަސް: ބަލިކޮށް ނުލެވުނު ހިތްވަރު
އެމްޑީއޭ އިން މުއިއްޒަށް ތާއީދުކުރަން ނިންމައިފި