21 މާޗް 2023
ރައީސް އިބްރާހިމް މުހައްމަދު ސޯލިހުގެ މޮޓޯކޭޑަށް ހުރަސްއެޅި މައްސަލާގައި ހައްޔަރުކުރި ހަތަރު މީހުންގެ ތެރެއިން ދެ މީހަކު ފަސް ދުވަހަށް އަދި އަނެއް ދެ މީހުން 15 ދުވަހަށް ބަންދުކުރަން އަމުރުކޮށްފި އެވެ.
ރައީސް އިބްރާހިމް މުހައްމަދު ސޯލިހުގެ މޮޓޯކޭޑަށް ހުރަސްއެޅި މައްސަލާގައި ހައްޔަރުކުރި ހަތަރު މީހުންގެ ތެރެއިން ދެ މީހަކު ފަސް ދުވަހަށް އަދި އަނެއް ދެ މީހުން 15 ދުވަހަށް ބަންދުކުރަން އަމުރުކޮށްފި އެވެ.
ފުލުހުން މީޑިއާތަކަށް ފޮނުވި މެސެޖެއްގައި ބުނީ ރޭ ޕީޕީއެމުން ކުރި މުޒާހަރާގެ ތެރެއިން ފުލުހުންގެ ބެލުމުގެ ދަށަށް ގެންދިޔަ 17 މީހުންގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން ޝަރުތުކޮށް، އެ މީހުން ދޫކޮށްލާފައިވާ ކަމަށެވެ.
އެކަމަކު ރައީސްގެ މޮޓޯކޭޑަށް ހުރަސްއެޅި ކަމުގެ ތުހުމަތުގައި ފުލުހުންގެ ބެލުމުގެ ދަށަށް ގެންދިޔަ ހަތަރު މީހުންގެ ތެރެއިން ދެ މީހުންގެ ބަންދަށް ފަސް ދުވަސް ދީފައިވާ ކަމަށް ފުލުހުން ބުންޏެވެ. އެއީ އަންހެނަކާއި ފިރިހެނެކެވެ.
"އަނެއް ދެ ފިރިހެނުންގެ ބަންދަށް 15 ދުވަސް ވަނީ ދީފައި،" ފުލުހުން ބުންޏެވެ.
މިއީ ރާއްޖޭގައި މުޒާހަރާއެއްގެ ބަޔަކު ރައީސެއްގެ މޮޓޯކޭޑަށް ހުރަސް އަޅައި ހުއްޓުވި ފުރަތަމަ ފަހަރެވެ. އަދި މިއީ ރާއްޖޭގައި އެންމެ މަތީ ވެރިއެއްގެ މޮޓޯކޭޑް ދުއްވާފައި ދަނިކޮށް މިހާ ބޮޑަށް ސެކިއުރިޓީ ފެއިލްވި ފުރަތަމަ ފަހަރެވެ.
ރައީސް އިބްރާހިމް މުހައްމަދު ސޯލިހުގެ މޮޓޯކޭޑް ހުއްޓުވީ، ހުޅުމާލޭގައި ރޭ ބޭއްވި ރެހެންދި އެވޯޑް ހަފުލާ އަށް ފަހު، އެމަނިކުފާނު ބޮޑުތަކުރުފާނު މަގުން ވަޑައިގަންނަވަނިކޮށް، އިދިކޮޅު ޕީޕީއެމްގެ އޮފީހާ ދިމާލުގައި ތިބި ސަޕޯޓަރުންތަކެކެވެ.
އެ މައްސަލަ ރައްޔިތުންގެ މަޖިލީހުގެ ސަލާމަތީ ހިދުމަތްތަކާ ބެހޭ ކޮމެޓީން މިހާރު އަންނަނީ ބަލަމުންނެވެ.
ޝިޔާމް ހައްޔަރުކުރީ ޒިންމާއިން ރެކެން: ޕީޕީއެމް
ހައްޔަރުކުރީ ފުލުހުންނާ ދިމާލަށް އެއްޗެއް އެއްލުމުން
އިދިކޮޅު އިހުތިޖާޖުން އާދަމް ޝަރީފް ހައްޔަރުކޮށްފި
ގާނޫނަށް ބުރޫ އަރާ ކަމެއް ނުކުރަން އިންޒާރު ދީފި
މުޒާހަރާކުރާ މީހުން ޓްރެފިކްހުއްޓުވާ މައްސަލަ ބޮޑުވެއްޖެ
ރައީސްގެ މޮޓޯކޭޑް ހުއްޓުވައިފި، ހަތަރު މީހަކު ހައްޔަރު
އިދިކޮޅު މުޒާހަރާއިން ގެންދިޔަ އެންމެ ދޫކޮށްލައިފި
މުޒާހަރާއިން ހައްޔަރުކުރި 17 މީހުން ދޫކޮށްލައިފި
މުސްކުޅިއަކު ހައްޔަރުކުރުން: "އެހެންހަދަން ހެޔޮނުވާނެ"
ރައީސްގެ ޖަލްސާއާ ދިމާކޮށް ޕީޕީއެމުން މިރޭ މުޒާހަރާއަށް