ހެޕީ މާކެޓުން އީދަށް ކުކުޅާއި ސޮސެޖުގެ އަގުހެޔޮކޮށްފި

ހެޕީ މާކެޓުން ވިއްކާ ގަނޑުކުރި ބައެއް ޕްރޮޑަކްޓުތައް ހާއްސަ އޮފާއެއްގެ ގޮތުގައި މި އަހަރުގެ އަޟްހާ އީދާ ދިމާކޮށް، އަގުހެޔޮކޮށްފި އެވެ.

މި މަހުގެ ފަހު ހަފުތާގައި ފާހަގަކުރާ ބޮޑު އީދަށް ފެށި ހާއްސަ އޮފާގެ ދަށުން އެ މަހުގެ ނިޔަލަށް ސިއަރާ ބޮންލެސް ކުކުޅުގެ އެއް ކިލޯ އާއި ދެ ކިލޯގެ ކުކުޅާއި ކުކުޅު ފަޔާއި ފްރެންގަސޯލް ޗިކަން ސޮސެޖުން ވެސް ވަނީ އަގުހެޔޮ ކޮށްފަ އެވެ.

ހެޕީ މާކެޓުން ބުނި ގޮތުގައި އެ ޕްރޮޑަކްޓުތަކުގެ އަގުހެޔޮ ކުރީ އެއީ އާއްމުންގެ ބޮޑު ޑިމާންޑެއް އޮންނަ ޕްރޮޑަކްޓުތަކަކަށް ވުމުން އީދަށް ބާއްވާ ބާބަކިއު އާއި ކެއުންތަކުގައި ރަނގަޅު އޮފާއެއް ދޭށެވެ.

އެ ސްޕެޝަލް އޮފާގައި އެ ޕްރޮޑަކްޓުތައް ހެޕީމާކެޓުގެ ހުރިހާ ފިހާރައަކުން ވެސް ލިބޭނެ އެވެ. މާލެ އާއި ހުޅުމާލެ އާއި ވިލިމާލޭގެ އިތުރުން އައްޑު އާއި ހދ. ކުޅުދުއްފުށްޓާއި އަދި ގދ. ތިނަދޫގައި ހެޕީމާކެޓުގެ ފިހާރަތައް ހުރެ އެވެ.