01 ފެބުރުއަރީ 2017
ގދ. ކާޑެއްދޫ އެއާޕޯޓް، ވިލާ ކުންފުނި އަތުން ނެގުން މަޑުޖައްސައިލަން ސިވިލް ކޯޓުން ކުރި އަމުރު އިސްތިއުނާފް ކުރަން ދައުލަތުން ނިންމައިފި އެވެ.
މުއިއްޒު އިބްރާހިމް
ގދ. ކާޑެއްދޫ އެއާޕޯޓް، ވިލާ ކުންފުނި އަތުން ނެގުން މަޑުޖައްސައިލަން ސިވިލް ކޯޓުން ކުރި އަމުރު އިސްތިއުނާފް ކުރަން ދައުލަތުން ނިންމައިފި އެވެ.
ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ވިލާ އެއާ ކުންފުންޏަށް 50 އަހަރަށް ކާޑެއްދޫ އެއާޕޯޓް ހިންގަން ދީފައި ވަނިކޮށް މިދިޔަ މަހު ސަރުކާރުން އެއްބަސްވުން ބާތިލްކުރީ، ވިލާއިން އެއްބަސްވުމާ ޚިލާފަށް އަމަލުކުރި ކަމަށް ބުނެ އެވެ. އެއްބަސްވުން ބާތިލްކުރި މައްސަލަ ސިވިލް ކޯޓަށް ހުށަހެޅުމުން އެ ކޯޓުން ރޭ އެންގީ އެ މައްސަލަ ނިމެންދެން އެއާޕޯޓް އަތުލުން މަޑުޖައްސާލުމަށެވެ.
ކޯޓުގެ ވަގުތީ އަމުރު އިސްތިއުނާފް ކުރަން ނިންމާފައިވާ ކަން ޑެޕިއުޓީ އެޓާނީ ޖެނެރަލް އަހުމަދު އުޝާމް ކަށަވަރުކޮށް ދެއްވި އެވެ. އެކަމަކު އެ މައްސަލަ އިސްތިއުނާފަށް އަދި ހުށަހެއްނާޅަ އެވެ.
ކާޑެއްދޫ އެއާޕޯޓް އަތުލީ ބޮޑު އިންވެސްޓްމަންޓަކާ ދިމާލަށް ދަނިކޮށް ކަމަށް ގާސިމް ވަނީ ވިދާޅުވެފަ އެވެ. އެކަމަކު ސަރުކާރުން ބުނެފައިވަނީ އެއްބަސްވުމުގެ ދަށުން ކުރަންޖެހޭ ކަންކަން ވިލާ އިން ފުރިހަމަ ނުކުރާތީ އެއްބަސްވުން ބާތިލްކުރީ ކަމަށެވެ.
މީގެ ކުރިން 2015 ގައި ސަރުކާރުން ވަނީ ވިލާ އަށް ދޫކުރި ފަޅުތަކާއި ރަށްތަކެއްގެ އެއްބަސްވުން ވެސް ބާތިލްކޮށްފަ އެވެ. އެ މައްސަލަ ކޯޓަށް ހުށަހެޅުމުން އެ ހުރިހާ މައްސަލައެއް ވެސް ނިމުނީ ވިލާއާ އެއްކޮޅަށެވެ.
ކާޑެއްދޫ އެއާޕޯޓް ނެގުން ހުއްޓުވަން ކުރި އަމުރު ބާތިލް
އެއާޕޯޓް ނެގުން ހުއްޓުވުމުން ނުރައްކާވެދާނެ: ދައުލަތް
ކާޑެއްދޫ އެއާޕޯޓް އަތުލުން މަޑުޖައްސާލަން އަމުރުކޮށްފި
ވަކިކުރި ފުލުހުންގެ މައްސަލަ:ޕޮލިސްބޯޑުގެ ޖަވާބެއް ނެތް
ކާޑެއްދޫ އެއާޕޯޓުގެ ބަދަލު ނުހޯދަން ނިންމައިފި
ކާޑެއްދޫ މައްސަލާގައި ވިލާއަށް ސުޕްރީމް ކޯޓުން ކާމިޔާބު
ކާޑެއްދޫ އަތުލަން ސަރުކާރުން އުޅޭތީ ގާސިމް ހައިރާންވޭ!
ރިވިއު ލަސްވަނީ ފަނޑިޔާރުގެ އަށް ކުރާ ތުހުމަތާ ހެދި
ދީބާޖާގެ ފެށުމާއި ނިމުން: ހުސް ސުވާލު!
ކާޑެއްދޫ އެއާޕޯޓް އަނބުރާ ދޭން ކުރި ހުކުމް ރަނގަޅު
