ކުރިއަށް އޮތް ރައްޔިތުންގެ މަޖިލިސް އިންތިހާބުގައި ޕީޕީއެމް/ ޕީއެންސީ އަށް ހަތަރު ގޮނޑި ހޯދަވައިދެއްވާނެ ކަމަށް ތިމަރަފުށި ދާއިރާގެ މެމްބަރު އަބްދުﷲ ރިޔާޒު މިއަދު ވިދާޅުވެއްޖެ އެވެ.
08 ފެބުރުއަރީ 2024
ކުރިއަށް އޮތް ރައްޔިތުންގެ މަޖިލިސް އިންތިހާބުގައި ޕީޕީއެމް/ ޕީއެންސީ އަށް ހަތަރު ގޮނޑި ހޯދަވައިދެއްވާނެ ކަމަށް ތިމަރަފުށި ދާއިރާގެ މެމްބަރު އަބްދުﷲ ރިޔާޒު މިއަދު ވިދާޅުވެއްޖެ އެވެ.
ތ. އަތޮޅަށް ރައީސް ޑރ. މުހައްމަދު މުއިއްޒު މިހާރު ކުރައްވަމުން ގެންދަވާ ދަތުރުފުޅުގައި، ކިނބިދޫގައި ވާހަކަ ދައްކަވަމުން މޯލްޑިވްސް ނެޝަނަލް ޕާޓީ (އެމްއެންޕީ)ގެ ނައިބު ރައީސްކަން ވެސް ކުރައްވާ ރިޔާޒު ވިދާޅުވީ އެ އަތޮޅު ރައީސްގެ ރާޑަރުގައި ބަހައްޓައިގެން އިގްތިސާދީ އެޖެންޑާ ހާސިލުކުރެވޭނީ ރައްޔިތުންގެ މަޖިލީހުގެ މެޖޯރިޓީ ރައީސަށް ލިބިގެން ކަމަށެވެ.
އޭނާ ވިދާޅުވީ ތަރައްގީ ގެނައުމަށް މަޖިލީހުގެ ތެރެއިން ގެންނަން ޖެހޭ ބަދަލުތަކާއި ސަރުކާރަށް ގާނޫނީ ގޮތުން ބޮޑެތި ބަދަލުތައް ގެނެވޭނީ ވެސް ބޮޑު މެޖޯރިޓީއެއް އޮވެގެން ކަމަށެވެ.
President Dr @MMuizzu met with Kolhumadulu Kinbidhoo Island's residential community, where he assured development aligned with the residents' wishes with the construction of a causeway. He further unveiled plans for accessible transportation throughout the atoll. pic.twitter.com/di7fpydY0n
— The President's Office (@presidencymv) February 8, 2024
އޭނާ ވިދާޅުވީ މިހާ ހިސާބަށް އައި އިރު ތ. އަތޮޅު ރާޑަރަށް ނާރައި އޮތް ސަބަބާ މެދު ރައްޔިތުން ވިސްނަންޖެހޭ ކަމަށާއި ތަރައްގީ ގެނައުމަށްޓަކައި ރައީސް މުއިއްޒުގެ ފަހަތްޕުޅަށް ހުރިހާ ފިކުރެއްގެ މީހުން މި ފަހަރު އަރަންޖެހޭ ކަމަށެވެ.
"އަޅުގަނޑު ރައީސަށް ޔަގީންކަން އަރުވަން ﷲ ގެ ވާގިފުޅާއި ރައްޔިތުންގެ ތާއީދާ އެކު ކޮޅުމަޑުލުގެ ހަތަރު ގޮނޑި ރައީސަށް އަރުވާނަން،" ރިޔާޒު ވިދާޅުވި އެވެ.
އޭނާ ވިދާޅުވީ އެ މަސައްކަތް ހުއްޓާލައްވާނީ ރަން ވަނައަކާ އެކު ކަމަށެވެ.
މިދިޔަ ރިޔާސީ އިންތިހާބުގައި ރައީސް މުއިއްޒަށް އާބާދީގެ ނިސްބަތުން އެންމެ ގިނަ އަދަދަކަށް ވޯޓު ލިބުނީ ވެސް ތ. ގުރައީދޫންނެވެ.
ތ. ކަނޑޫދޫގައި ވާހަކަފުޅު ދައްކަވަމުން ރައީސް މުއިއްޒު ވިދާޅުވީ ތ. އަތޮޅު ތަރައްގީގެ ރާޑަރުން ކައްސާލައި، ބާކީ ވެފައި އޮތް އަތޮޅަކަށް ވިޔަސް ތަރައްގީގެ އެންމެ ކުރީ ސަފުގައި ފުރުސަތުތައް ލިބޭ އަތޮޅަކަށް ހައްދަވައިދެއްވާނެ ކަމަށެވެ.
ރިޔާޒު ވިދާޅުވީ ކިނބިދޫ އާއި ވޭމަންޑޫއާ ގުޅާލައި ތަރައްގީ ކުރާ ކޯޒްވޭގެ މަޝްރޫއުއަކީ މިދިޔަ ސަރުކާރުގެ ވައުދެއް ނަމަވެސް އެކަން ނުވެގެން އެތައް ފަހަރަކު ސުވާލުކުރުމަށް މިނިސްޓަރުން މަޖިލީހަށް ހާޒިރުކުރެއްވި ކަމަށެވެ. އެކަމަކު ސަރުކާރު ނިމިގެންދިޔައީ އެކަން ބިލާހަކަށް ވެގެން ކަމަށް އޭނާ ވިދާޅުވި އެވެ.
ނބިދޫ ދާއިރާ ތަމްސީލުކުރައްވަމުން ގެންދަވާ އެމްޑީޕީގެ މެމްބަރު މުހައްމަދު ނާޝިޒަށް ފާޑުވިދާޅުވެ ރިޔާޒު ވަނީ ކިނބިދޫ-ވޭމަންޑޫ ކޯޒްވޭގެ މަސައްކަތް ސަރުކާރުގެ އެޖެންޑާގައި ހިމަނައިދެއްވުމަށް ރައީސްގެ ކިބައިން އެދިވަޑައިގެންފަ އެވެ.
"މިހާރު ކިނބިދޫ ދާއިރާ ތަމްސީލުކުރާ މެމްބަރު ވަރަށް ނުފޫޒު ގަދަކޮށް މިދިޔަ ސަރުކާރުގައި ހުންނެވި ކަމުގައި ވިޔަސް އެކަން މިދާއިރާއަކަށް ކޮށްދެއްވާފައި ނެތް. އެއީ ވަރަށް ބޮޑު އިހުމާލެއް ކަމަށް އަޅުގަނޑު ދެކެން،" ރިޔާޒު ވިދާޅުވި އެވެ.
ރިޔާޒު ވަނީ މަސްވެރިކަމާއި ޓޫރިޒަމް ވެސް އެ ދާއިރާގައި ފުޅާ ކޮށްދެއްވުމަށް އެދިވަޑައިގެންފަ އެވެ.
އެންމެ ބޮޑު ޕާޓީއަށް ޕީއެންސީ ހެދުމަށް ހަރަކާތެއް
ޔާމީނަށް ރައީސް ގޯސްވި ސަބަބު އަބްދުއްރަހީމް ކިޔައިދީފި
އަދުރޭގެ ހިސާބަކީ ސަމާސާއެއް ނޫން، ސިޔާސީ ހަގީގަތް
ޔާމީން މިނިވަންވާނެ ކަމަށް އުއްމީދުކުރަން: ރައީސް
"މާލެއާ އެއްފެންވަރަށް އައްޑުތަރައްގީކުރަން ބޭނުން"
ޔާމީނާއެކު ތިބީ ރަނގަޅު ކަމަށް ހެދިގެން އުޅޭ ބައެއް!
ހިތްހަމަނުޖެހުނަސް އެމްޑީޕީއަށް ތާއީދު ނުކުރަން އެދިއްޖެ
މަޝްރޫއުތައް ހުއްޓާލި ތުހުމަތުގެ ޖަވާބު ތަފާސްހިސާބުން
ސައީދުގެ ރައްދު: މައްސަލައަކީ ވެރިކަން ހަޖަމް ނުވުން!
ސަފީރަކު އެދޭގޮތަށް ހިންގަން ފުރުސަތުނުދީ: ރައީސް
