19 ސެޕްޓެމްބަރ 2024
ރާއްޖޭގައި ގަވައިދާ ހިލާފަށް އުޅޭ ކަމަށް ބުނެ ރާއްޖޭން ފޮނުވާލި ސްރީ ލަންކާ މީހަކު އެ ނިންމުމާ ދެކޮޅަށް ސިވިލް ކޯޓަށް މައްސަލައެއް ހުށަހަޅައިފި އެވެ.
ރާއްޖޭގައި ގަވައިދާ ހިލާފަށް އުޅޭ ކަމަށް ބުނެ ރާއްޖޭން ފޮނުވާލި ސްރީ ލަންކާ މީހަކު އެ ނިންމުމާ ދެކޮޅަށް ސިވިލް ކޯޓަށް މައްސަލައެއް ހުށަހަޅައިފި އެވެ.
އިމިގްރޭޝަނާ ދެކޮޅަށް ސިވިލް ކޯޓަށް މައްސަލަ ހުށަހެޅީ ދިވެއްސަކާ ކައިވެނިކޮށްގެން އުޅުނު ތެންތެނީ ވަރެން ނަދިޝް ޕެރޭރާ ކިޔާ މީހެކެވެ. އޭނާ ރާއްޖޭން ޑީޕޯޓްކުރީ މި އަހަރުގެ މެއި މަހުގެ ތެރޭގަ އެވެ.
އޭގެފަހުން އޭނާ ވަނީ ޓޫރިސްޓް ވިސާއެއްގައި ރާއްޖެ އެތެރެވާން މަސައްކަތްކޮށްފަ އެވެ. ނަމަވެސް، އޭނާ ރާއްޖެ އެތެރެވިޔަ ނުދީ ހިފެހެއްޓުމަށް ފަހު އަނބުރާ ފޮނުވާލި އެވެ. މި ވާހަކަ އޭރު ސޯޝަލް މީޑިއާގައި ވެސް ވަރަށް ބޮޑަށް ދައުރުވި އެވެ.
އޭނާ ސިވިލް ކޯޓަށް ހުށަހެޅީ ރާއްޖެ އެތެރެވިޔަ ނުދީ ހިފެހެއްޓި ނިންމުން ރިވިއުކުރަން ޖުޑީޝަލް ރިވިއު މައްސަލައެކެވެ. ނަމަވެސް މި މައްސަލައަކީ ސިވިލް ކޯޓަށް ނުބެލޭނެ ކަމަށް ބުނެ އިމިގްރޭޝަނުން ވަނީ ކޯޓުގައި އިއުތިރާޒުކޮށްފަ އެވެ.
އެކަމަކު އިމިގްރޭޝަނުން ހުށަހެޅި އިއުތިރާޒު ކޯޓުން ބަލައިނުގަނެ ޝަރީއަތް ކުރިއަށް ގެންދަން ކޯޓުން ވަނީ ނިންމައިފަ އެވެ.
ބިދޭސީ މީހާގެ ފަރާތުން ހުށަހެޅި މައްސަލާގައި އިމިގްރޭޝަނުން އޭނާއާ މެދު ގޮތް ނިންމައި ރާއްޖޭން ފޮނުވާލިިއިރު އެއްވެސް ސަބަބެއް ބަޔާންކޮށްފައިނުވާ ކަމާއި ވަކީލެއްގެ އެހީތެރިކަމަށް އެދެވިދާނެ ކަން އަންގާފައިނުވާ ކަމަށް ވަނީ ބުނެފަ އެވެ. އެއީ ވަރަށް އަސާސީ ހައްގުތަކެއް ކަމާއި އެ ހައްގުތައް ފޯރުކޮށްނުދީ، އިމިގްރޭޝަނުން ނިންމި ނިންމުމަކީ ގާނޫނާ ހިލާފު ނިންމުމެއް ކަމަށް ކަނޑައަޅައިދޭން އޭނާ ވަނީ ކޯޓުގައި އެދިފަ އެވެ.
ގަވައިދާ ހިލާފަށް އުޅޭ ބިދޭސީންނާ ދެކޮޅަށް ބޮޑު އޮޕަރޭޝަނެއް އިމިގްރޭޝަނުން އަންނަނީ ހިންގަމުންނެވެ.
ގަވައިދާ ހިލާފަށް އުޅޭ ބިދޭސީން ހޯދައި އެ މީހުން ރާއްޖޭން ފޮނުވާލަން އިމިގްރޭޝަނުން ކުރިއަށް ގެންދާ އޮޕަރޭޝަނުގައި މިހާތަނަށް 3،000 އަށް ވުރެ ގިނަ ބިދޭސީން ޑީޕޯޓްކޮށްފައިވެ އެވެ. މިހާރު ވެސް އެ އޮޕަރޭޝަން ކުރިއަށް ގެންދާއިރު ބައެއް ބިދޭސީން ވަނީ އޮޕަރޭޝަނަށް ފިލަން ބައެއް ރަށްރަށަށް ވެސް ގޮސްފަ އެވެ.
ރިޒާއާ ދެކޮޅަށް ދައުވާކުރަން ޕީއައިއެލްސީން އެހީވަނީ
ޝުޖާއު ހުޅުމާލެއިން 9.4 މިލިއަނަށް ބިމެއް ގަނެފި
އިމިގްރޭޝަންގެ ނަމުގައި ގެއަކަށް ވަދެ ފޭރިއްޖެ
ޔޫއޭއީ އެމްބަސީން ކުލި ނުދައްކާ މައްސަލަ ކޯޓުން ނުބެލި
ސައިކަލެއްގެ މަޑިދަށުން 4 ލައްކަ ރުފިޔާ ވަގަށްނަގައިފި
ގަވާއިދާ ހިލާފަށް ޑޮލަރުގެ ވިޔަފާރިކުރި މީހަކު ހައްޔަރު
ޕީއެޗްޑީ ގަބޫލުކުރަން އެންގި ހުކުމް އިސްތިއުނާފް ކުރަނީ
ދައުލަތުގެ އިހުމާލުން އަށް ލައްކަ ރުފިޔާގެ ހުކުމެއް
ޕީއެޗްޑީ ސެޓްފިކެޓް ގަބޫލުކުރަން ހައިކޯޓުން ހުކުމްކޮށްފި
ޑީޕޯޓް ކުރާތީ ބިދޭސީން ދިވެހިންނާ ކައިވެނި ކުރަނީ!