17 މެއި 2017
ވޮޝިންޓަން (މެއި 17) - ކުރީގެ ނޭޝަނަލް ސެކިއުރިޓީ އެޑްވައިޒަރު މައިކަލް ފްލައިން އާއި ރަޝިޔާއާ އޮތް ގުޅުމާ ބެހޭ ގޮތުން ކުރަމުންދިޔަ ތަހުގީގު ހުއްޓާލުމަށް އެފްބީއައިގެ ޑިރެކްޓަރު ޖޭމްސް ކޯމޭގެ އަރިހުން ރައީސް ޑޮނަލްޑް ޓްރަމްޕް އެދިވަޑައިގެންނެވި ކަމަށް އެމެރިކާގެ މީޑިއާތަކުން ބުނެފި އެވެ.
ވޮޝިންޓަން (މެއި 17) - ކުރީގެ ނޭޝަނަލް ސެކިއުރިޓީ އެޑްވައިޒަރު މައިކަލް ފްލައިން އާއި ރަޝިޔާއާ އޮތް ގުޅުމާ ބެހޭ ގޮތުން ކުރަމުންދިޔަ ތަހުގީގު ހުއްޓާލުމަށް އެފްބީއައިގެ ޑިރެކްޓަރު ޖޭމްސް ކޯމޭގެ އަރިހުން ރައީސް ޑޮނަލްޑް ޓްރަމްޕް އެދިވަޑައިގެންނެވި ކަމަށް އެމެރިކާގެ މީޑިއާތަކުން ބުނެފި އެވެ.
މީޑިއާ ރިޕޯޓްތައް ބުނާ ގޮތުގައި ފްލައިންގެ ތަހުގީގު ކުރިއަށް ނުގެންދިއުމަށް ޓްރަމްޕް އެދިވަޑައިގެންނެވީ ކޯމޭއާ އެކު ފެބްރުއަރީ މަހު ވައިޓް ހައުސްގައި ބޭއްވެވި ބައްދަލުވުމަކަށް ފަހު އެވެ. އެ ބައްދަލުވުމަށް ފަހު ކޯމޭ ލިޔުއްވި މެމޯ ވަނީ މީޑިއާތަކަށް ލީކުވެފަ އެވެ. ވައިޓް ހައުސްގެ ބައްދަލުވުން ބާއްވާފައި ވަނީ ފްލައިން އިސްތިއުފާ ދެއްވިތާ އެއް ދުވަސް ފަހުންނެވެ.
ވައިޓް ހައުސް އިން ވަނީ އެކަން ދޮގުކޮށްފަ އެވެ. އެއްވެސް ތަހުގީގެއް ހުއްޓާލުމަށް ކޯމޭ ނުވަތަ އެހެން އޮފިޝަލެއްގެ ގާތު ވެސް ޓްރަމްޕް ވިދާޅުވެފައި ނުވާނެ ކަމަށް ވައިޓްހައުސް އިން ބުނެފައިވެ އެވެ.
މި މައްސަލަ ފެންމަތިވުމާ އެކު ރިޕަބްލިކަން ޕާޓީގެ ކޮންގްރެސް މެންބަރު ޖޭސަން ޗަފޭޒް ވަނީ މިކަމާ ގުޅުން ހުރި ހުރިހާ ލިޔުންތަކެއް ހަފުތާއެއްގެ ތެރޭގައި ހަވާލު ކުރުމަށް އެފްބީއައި އަށް ގޮވާލައްވައިފަ އެވެ. ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީ ޗެއާ ކުރައްވާ ޖޭސަން ވަނީ ކޯމޭ އާއި ޓްރަމްޕާ ދެމެދު ކޮށްފައިވާ ހުރިހާ މުއާމަލާތެއް މި މަހު 24 ގެ ކުރިން ހުށަހެޅުމަށް އެދިވަޑައިގެންފަ އެވެ.
ފްލައިންގެ ތަހުގީގު ހުއްޓާލަން ޓްރަމްޕް އެންގެވިކަން ނިއު ޔޯކް ޓައިމްސް އިން ރިޕޯޓްކުރުމުގެ ހަފުތާއެއް ކުރިން ކޯމޭ ވަނީ އެފްބީއައި އިން ވަކިކޮށްފަ އެވެ.
ޓްރަމްޕަށް ހަމަލާދިން ސަބަބާއި ރޭވި ބަޔަކު ވެސް ނޭނގެ
ބައިޑެންއަކީ ގައުމުގެ އަދުއްވެއް: ޓްރަމްޕު
ޓްރަމްޕުގެ މާރް އާ ލޯގޯ ރިސޯޓް ބަލައި ފާސްކޮށްފި
ޓްރަމްޕުގެ ކެމްޕޭނަށް އެފްބީއައި އިން ޖާސޫސް ކުރިތޯ ބަލަނީ
ސްކޫލް ހަމަލާގައި ޓްރަމްޕުގެ ފާޑުކިޔުން އެފްބީއައި އަށް
އިންތިޚާބަށް ނުފޫޒު ފޯރުވި މައްސަލަ ބަލަން އާ ބޭފުޅަކު
ޓްރަމްޕް ކޯފާވެ، އެފްބީއައިގެ ޑިރެކްޓަރު ވަކިކޮށްފި
ވޯޓަށް ރަޝިޔާ ނުފޫޒު ފޯރުވިތޯ އެބަ ބަލަން: އެފްބީއައި
ފޯނު އަޑުއެހުމާ ގުޅޭ ގޮތުން އެފްބީއައިއާ މަޝްވަރާއެއް ނުކުރޭ
އޮބާމާއާ ބެހޭ ގޮތުން ޓްރަމްޕުގެ ތުހުމަތަށް އެފްބީއައި ދެކޮޅު