28 އޯގަސްޓް 2018
ޖަލަށް ލާފައިވާ ކުރީގެ ރައީސް މައުމޫން އަބްދުލްގައްޔޫމްގެ ޚިދުމަތަށް "ކޫރުމެއް އެޅޭ" ފަދަ ވާހަކަ ނުދައްކަވަން އެއްބަފާ ކޮއްކޯފުޅު، ރައީސް އަބްދުﷲ ޔާމީން އެދިވަޑައިގެންނެވި ނަމަވެސް އެއީ އިހުލާސްތެރިކަމެއް އޮވެގެން ދެއްކެވި ވާހަކައެއް ނޫން ކަމަށް މައުމޫންގެ ވަކީލު މިއަދު ވިދާޅުވެއްޖެ އެވެ.
ޖަލަށް ލާފައިވާ ކުރީގެ ރައީސް މައުމޫން އަބްދުލްގައްޔޫމްގެ ޚިދުމަތަށް "ކޫރުމެއް އެޅޭ" ފަދަ ވާހަކަ ނުދައްކަވަން އެއްބަފާ ކޮއްކޯފުޅު، ރައީސް އަބްދުﷲ ޔާމީން އެދިވަޑައިގެންނެވި ނަމަވެސް އެއީ އިހުލާސްތެރިކަމެއް އޮވެގެން ދެއްކެވި ވާހަކައެއް ނޫން ކަމަށް މައުމޫންގެ ވަކީލު މިއަދު ވިދާޅުވެއްޖެ އެވެ.
ރައީސް މައުމޫންގެ ވަކީލް، ކުރީގެ ޑެޕިއުޓީ ޕްރޮސިކިއުޓާ ޖެނެރަލް ހުސައިން ޝަމީމް ވިދާޅުވީ މައުމޫންގެ ފުރާނަފުޅަށް ނުރައްކާވެފައިވާ ދަނޑިވަޅުގައި އެކަށޭނަ ފަރުވާ ކުރަން ފުރުސަތު ނުދެއްވައި އެމަނިކުފާނަށް ފާޑުވިދާޅުނުވުމަށް ރައީސް ޔާމީން އެދިވަޑައިގަތުމުގައި އިހުލާސްތެރިކަމެއް ނެތް ކަމަށެވެ.
"ރައީސް މައުމޫންގެ ފުރާނަފުޅަށް ގެއްލުންވާއިރު ހުންނަވަނީ އަޅާނުލައްވާ. އަޅުގަނޑު އެދެނީ ޑޮކްޓަރުންގެ އެންގުމަށް އަމަލުކުރެއްވުމަށް މާގިނަ ވާހަކަ ނުދައްކަވާ، ގެއަށް ބަދަލުކޮށް ދެއްވުމަށް،" ޝަމީމް ވިދާޅުވި އެވެ.
Maumoon aa gulhey gothun Minister Thoriq dhekkevi vaahaka aa gulhigen Raees Yameen hihpulhu hamajehivadainugenfi
The most trusted news source in the Maldives
Mihaaru
މައުމޫނަށް ފާޑު ވިދާޅުވުނުމަށް ރައީސް ޔާމީން އެދިވަޑައިގަތުން
އުމުރުފުޅުން 80 އަހަރަށް ވުރެ މައްޗަށް ގޮސްފައިވާ މައުމޫން ގެންދަވަނީ ބެނައިން ޕްރޮކްސިސިމަލް ޕޮޒިޝަނަލް ވާޓިގޯގެ ބައްޔަށް ފަރުވާ ހޯއްދަވަމުންނެވެ. އެއީ ކުއްލިއަކަށް ބޯއަނބުރައި ކޮޅަށް ހުންނަން ދަތިވެ އަމިއްލަ އަށް އެއްވެސް ކަމެއް ނުކުރެވޭ ޒާތުގެ ބައްޔެކެވެ. މިދުވަސްކޮޅު އެމަނިކުފާންގެ ހާލު ސީރިއަސް ކަމަށް އާއިލާއިން ބުނެ އެވެ.
ރައީސްގެ ވާހަކައަށް ރައްދު ދެއްވައި ޝަމީމް ވިދާޅުވީ ރައީސް މައުމޫންގެ ތާއީދު މިހާރު ރައީސް ޔާމީނަށް ނެތް ކަމަށާއި އެމަނިކުފާނުގެ ތަރިކައެއް ރައީސް ޔާމީނަށް ހިމާޔަތް ނުކުރެއްވޭނެ ކަމަށެވެ.
"ރައީސް މައުމޫނަކީ ދުވަސްވީ ބޭފުޅުންނާއި ހިދުމަތްތެރިންނަށް އޯގާތެރި އަޅާލައްވާ ބޭފުޅެއް. އަދި އާއިލާ ބޭފުޅުންނަށް ވެސް އިހުތިރާމް ކުރައްވާ ބޭފުޅެއް. އެކަމަކު އެފަދަ ސިފައެއް ރައީސް ޔާމީންގެ ކިބައިގައި ނެތް ކަމަށް އާއިލާ ބޭފުޅުން ވިދާޅުވަނީ،" ޝަމީމް ވިދާޅުވި އެވެ.
ރައީސް މައުމޫންގެ ވެރިކަމަށް އެންވަޔަރަމަންޓް މިނިސްޓަރު ތޯރިގު އިބްރާހިމް މިއަދު ފާޑުވިދާޅުވުމުން އެ ޖަލްސާގައި ރައީސް ޔާމީން ވިދާޅުވީ އެމަނިކުފާނު ބައިވެރިވެވަޑައިގަންނަވާ ޖަލްސާއެއްގައި، މައުމޫންގެ ޚިދުމަތަށް އެއްވެސް ކަހަލަ ކޫރުމެއް އެޅޭ ކަހަލަ ވާހަކަ އެއްވެސް ބޭފުޅަކު ނުދެއްކެވުމަށް އެދިވަޑައިގަންނަވާ ކަމަށެވެ.
ސިޔާސީ ބޭފުޅުންތަކެއް ހިމެނޭ ގޮތަށް ނުވަ މީހަކު ޖަލުން މިނިވަންކުރުމަށް މިދިޔަ ފެބްރުއަރީ މަހުގެ 1 ވަނަ ދުވަހު ސުޕްރީމް ކޯޓުން ނެރުނު އަމުރަށް ފަހު ކުއްލި ނުރައްކަލުގެ ހާލަތު އިއުލާނުކޮށް ރައީސް މައުމޫން ަވަނީ ހައްޔަރުކޮށްފަ އެވެ. އަދި ހައްޔަރުކޮށް، ފޯނު ދިނުމަށް ފުލުހުން އެންގުމުން އެކަމަށް އިންކާރު ކުރެއްވި މައްސަލާގައި އުފުލި، އަދުލު އިންސާފު ގާއިމުކުރަން ހުރަސް އެޅުމުގެ ދައުވާ ސާބިތުވެ، އެއް އަހަރާއި ހަތް މަހާއި ހަ ދުވަހުގެ ޖަލު ހުކުމެއް މައުމޫން ގެންދަވަނީ ހޭދަކުރައްވަމުންނެވެ. މިދިޔަ ޖޫން 13 ވަނަ ދުވަހު މައުމޫންގެ މައްޗަށް އެ ހުކުމް ކޮށްފައިވާއިރު، ޓެރަރިޒަމްގެ ދައުވާއެއް ވެސް ދައުލަތުން ވަނީ އުފުލައިފަ އެވެ. އެމަނިކުފާނަށް އެ ދައުވާ ކުރަނީ ގާނޫނާ ޚިލާފަށް ވެރިކަން ބަދަލުކުރަން އުޅުއްވި ކަމުގެ ތުހުމަތުގަ އެވެ.
މައުމޫންގެ ހިދުމަތަށް ކޫރުން އެޅޭ ވާހަކަ ނުދައްކާ!
އަހަރީ ދުވަސް ފާހަގަކުރަން ރައީސްގެ ފެކްޝަން ދުވާފަރަށް
ޔާމީންގެ މައްސަލަ އަނބުރާ ގެންދަން ޕީޕީއެމުން އެދެފި
ވެރިކަން ވައްޓާލަން އުޅުނީ މައުމޫނު އިސްވެ: ޔާމީން
މައުމޫން ސިޔާސީ ކަންކަން ހުއްޓާލަން ޔާމީންގެ ރައްދެއް
އިންޑިޔާއައުޓް ހުއްޓާލަން ޖެހޭ ސަބަބެއް ނުބުނެވޭ:ޔާމީން
އަދުރޭގެ ތުހުމަތު: މައުމޫން ވަނީ ހަރާންކޯރުވެފައި!
މައުމޫނަށް ދިމާވި ހާލަތަކީ ރައީސާއި ނަޝީދަށް އިބުރަތެއް
ތާއީދު ގެންދެވީ ކޮރަޕްޝަނާއި އަނިޔާވެރިވުމުން: ޔުމްނާ
ޔާމީނާ ދެކޮޅަށް މައުމޫން ނުކުތީ "ލެގަސީ" ދުއްވާލާތީ