ސެން ފްރަންސިސްކޯ އެއާޕޯޓްގައި ޕްލާސްޓިކް ފެންފުޅި މަނާ

05 އޯގަސްޓް 2019

ޕްލާސްޓިކާ ދެކޮޅަށް ކުރާ މަސައްކަތުގެ ތެރެއިން، އެމެރިކާގެ ސެން ފްރަންސިސްކޯ އިންޓަނެޝަނަލް އެއާޕޯޓް (އެސްއެފްއޯ) ގައި ފްލާސްޓިކް ފެންފުޅީގެ ވިޔަފާރި ހުއްޓާލަން ނިންމައިފި އެވެ.

އަހުމަދު އަދްޝަން

އެސްއެފްއޯ އިން ހުކުރު ދުވަހު ނެރުނު ބަޔާނުގައި ބުނީ އެތަނުގެ ޒީރޯ ވޭސްޓް އިނިޝިއޭޓިވްގެ ދަށުން އެއާޕޯޓްގައި ހިންގާ ފިހާރަތަކާއި ރެސްޓޯރަންޓްތަކާއި އެއާޕޯޓްގެ ލައުންޖްތަކުގައި މި މަހުގެ 20 ވަނަ ދުވަހުން ފެށިގެން ޕްލާސްޓިކް ފެންފުޅި ވިއްކުން މަނާ ވާނެ ކަމަށެވެ.

ތިމާވެއްޓަށް މަސައްކަތް ކުރާ ފަރާތްތަކުން ވަނީ މިކަމަށް މަރުހަބާ ކިޔައިފަ އެވެ.

"މީގެ އެންމެ އެންމެ ބޮޑު އެއް ބޭނުމަކީ އެއް ފަހަރު ބޭނުންކޮށްފައިވާ އުކާލާ ޕްލާސްޓިކާ ދެކޮޅަށް މަސައްކަތްކޮށް، ތިމާވެއްޓާ ރައްޓެހި އޮޕްޝަންތަކަށް ދާން ވިޔަފާވެރިންނާއި ކަސްޓަމަރުންނަށް ވެސް ހިތްވަރު ދިނުން،" އެއާޕޯޓްގެ ބަޔާނުގައިި ބުންޏެވެ.

Bring your own refillable bottle -- #SFO has 100+ hydration stations ? throughout the airport to help you fill up & stay hydrated. https://t.co/T6L5dA858Q
— flySFO (@flySFO) August 2, 2019

އެސްއެފްއޯ އިން ބުނީ ޕްލާސްޓިކް ފެންފުޅި ވިއްކުން މަނާކުރުމަށް ފަހު، އެއާޕޯޓްގައި ދެން ފެނުގެ ވިޔަފާރިކުރަން ވާނީ އެއްފަހަރު ބޭނުން ކުރެވޭ ނުވަތަ އެއް ފަހަރަށް ވުރެ ގިނައިން ބޭނުން ކުރެވޭ އެލްމިނިއަމް ނުވަތަ ބިއްލޫރި އެއްޗެހީގައި ކަމަށެވެ.

A single plastic bottle takes 500-1000 years to break down. ? That's why we're prohibiting the sale of plastic bottled water. Bring your own bottle next time you #FlySFO and fill up at one of SFO's 100+ hydration stations. https://t.co/qH7dQGAPNx
— flySFO (@flySFO) August 3, 2019

ޕްލާސްޓިކް ފެންފުޅީގެ ވިޔަފާރި އެސްއެފްއޯގައި މަނާ ކުރަން ނިންމި އިރު، ޕްލާސްޓިކް މަދުކުރުމުގެ ގޮތުން އެއާޕޯޓްގެ އެކި ސަރަހައްދުތަކުގައި ވަނީ ރިޔުޒަބަލް ފުޅިތަކަށް ފެން އެޅޭނެ 100 އެއްހާ ހައިޑްރޭޝަން ސްޓޭޝަން ވެސް ގާއިމުކޮށްފަ އެވެ.

Kudos to SFO for prohibiting the sale of plastic water bottles!https://t.co/SJYtDkjti1
— SF Environment ♻️? (@SFEnvironment) August 2, 2019

އެސްއެފްއޯގެ ތަރުޖަމާނު ޑަގް ޔަކޭލް ވިދާޅުވި ގޮތުގައި އެއާޕޯޓްގައި ފްލާސްޓިކް ފެންފުޅި ވިއްކުން މަނާ ކުރި ފުރަތަމަ އެއާޕޯޓަށް ސެން ފްރާންސިސްކޯ އެއާޕޯޓް ވާނެ އެވެ. އަދި މިއީ ޕްލާސްޓިކާ ދެކޮޅަށް ދެމެހެއްޓިނިވި ގޮތަކަށް ކުރާ މަސައްކަތުގެ ވަރަށް މުހިއްމު ބައެއް ކަމަށް ވިދާޅުވި އެވެ.

"އަހަރެމެން ބޭނުން ވަނީ މިކަހަލަ ބަދަލުތަކެއް ގެނެސްގެން، އިންޑަސްޓްރީގައި މަސައްކަތް ކުރާ އެހެން ފަރާތްތަކަށް ވެސް ތިމާވެއްޓާ ރައްޓެހި ގޮތްތަކަށް ހިދުމަތް ބައްޓަން ކުރަން ހިތްވަރު ދިނުން،" ޔަކޭލް ވިދާޅުވި އެވެ.

އެސްއެފްއޯގައި ޕްލާސްޓިކް ފެންފުޅީގެ ވިޔަފާރި މަނާ ކުރަން ނިންމައި، އެކަން ތަންފީޒު ކުރަން ތައްޔާރުވާ އިރު، ސެން ފްރާންސިސްކޯ ބޯޑް އޮފް ސުޕަވައިޒާސް އިން އެކަން ނިންމީ 2014 ގަ އެވެ. މި މަސައްކަތުގެ ދަށުން ކުރިއަށް އޮތް ތަނުގައި ޕްލާސްޓިކްގައި ބަންދުކޮށްފައިވާ އެކި ކަހަލަ ކާބޯތަކެތި ވެސް ވިއްކުން މަނާ ކުރާނެ އެވެ.

Comments