ކޮވިޑް-19: ޕޮޒިޓިވްވި މީހުން މިލިއަނަކަށް، މަރުވި މީހުން ބައި ލައްކައަށް

ޕެރިސް (އެޕްރީލް 2) - މުޅި ދުނިޔޭގައި ހަލުވިކަމާ އެކު ފެތުރެމުންދާ ކޮރޯނާވައިރަހުގައި ޕޮޒިޓިވްވި މީހުން މިރޭ އެއް މިލިއަނަށް އަރައި އެ ބަލީގައި މަރުވި މީހުންގެ އަދަދު ބައި ލައްކަ އަށް ވުރެ މައްޗަށް އަރައިފި އެވެ.

ދުނިޔޭގައި އެއްވެސް ފަރުވާއެއް އަދި ހޯދިފައި ނުވާ ކޮރޯނާވައިރަހުން ޖައްސާ ކޮވިޑް-19 އަށް ޕޮޒިޓިވްވި މީހުންގެ އަދަދު މިރޭ 1،000،889 އަށް އެރި އިރު އެ ބަލީގައި މިހާތަނަށް މަރުވި މީހުންގެ އަދަދަކީ 51،371 އެވެ. ބަލިން ރަނގަޅުވެފައި ވަނީ 210،214 މީހުންނެވެ.

އެންމެ ހަލުވިކަމާ އެކު ބަލި ފެތުރެމުން ދަނީ އެމެރިކާގަ އެވެ. މިރޭ 11 އާ ހަމައަށް އެމެރިކާގައި އަލަށް ވަނީ 20،744 މީހުން ޕޮޒިޓިވްވެފަ އެވެ.

އެންމެ ހަލުވިކަމާ އެކު ބަލި ފެތުރޭ ގައުމުތައް

އެމެރިކާ: ޕޮޒިޓިވްވި 235،747 މަރުވި: 5،629

އިޓަލީ: ޕޮޒިޓިވްވި 115،242 މަރުވި: 13،915

ސްޕޭން: ޕޮޒިޓިވްވި 110،238 މަރުވި: 10،096

ޖަރުމަން: ޕޮޒިޓިވްވި 84،284 މަރުވި: 1،089

ފްރާންސް: ޕޮޒިޓިވްވި 59،105 މަރުވި: 4،503

އީރާން: ޕޮޒިޓިވްވި 50،468 މަރުވި: 3،160

އިނގިރޭސިވިލާތް: ޕޮޒިޓިވްވި 33،718 މަރުވި: 2،921