93 ފުލުހަކަށް މިހާތަނަށް ކޮވިޑް ޖެހިފައިވޭ: ހަމީދު

93 ފުލުހަކަށް މިހާތަނަށް ކޮވިޑް ޖެހިފައިވޭ: ސީޕީ ހަމީދު

06 އޯގަސްޓް 2020

މިހާތަނަށް 93 ފުލުހަކަށް ކޮވިޑް-19 ޖެހިފައިވާ ކަމަށް ޕޮލިސް ކޮމިޝަނަރު މުހައްމަދު ހަމީދު މިއަދު ވިދާޅުވެއްޖެ އެވެ.

ޝުރުފާ މުހައްމަދު

އޭނާ ކުރެއްވި ޓުވީޓެއްގައި ވިދާޅުވީ، 93 އޮފިސަރެއްގެ އިތުރުން ފުލުހުންގެ ތެރޭގައި މަސައްކަތް ކުރާ ބައެއް އެހެން މުވައްޒަފުންނަށް ވެސް ކޮވިޑް ޖެހިފައިވާ ކަމަށެވެ.

ސީޕީ ވިދާޅުވިގޮތުގައި، މީގެ ތެރެއިން މިހާރު ފަރުވާދެމުން އަންނަނީ 56 މީހަކަށެވެ. ބާކީ އެންމެން ވެސް އެ ބަލިން ރަނގަޅު ވެފައިވާ ކަމަށް އޭނާ ވިދާޅުވި އެވެ.

ހަމީދު ވިދާޅުވީ، ކޮވިޑް ފެތުރުމާއި އެ ބަލިން ރައްކާތެރިވުމުގެ ފިޔަވަޅުތައް ފުލުހުންގެ ތެރޭގައި ކުރިއަށް ވުރެ ވަރުގަދަ ކޮށްފައިވާ ކަމަށެވެ. އަދި ކޮވިޑުން އަރައިގަތުމަށް އެންމެން ގުޅިގެން ކުރާ މަސައްކަތުގައި ފުލުހުންގެ އިސްނެގުމާއި ވަސީލަތްތަކާއި އެހީތެރިކަން ލިބޭނެ ކަމަށް އޭނާ ވިދާޅުވި އެވެ.

Up to now a total of 93 officers and staff of the police service (56 active cases) have been infected with #COVID19. As we take stricter internal measures to mitigate the spread, we continue to deliver leadership, resources and support for the national effort. #TogetherWeCan
— Mohamed Hameed (@M_Hameedh) August 6, 2020

ސީޕީ ހަމީދުގެ ޓުވީޓް

ފުލުހުންގެ އިތުރުން، ކޮވިޑުން އާންމުން ސަލާމަތްކޮށް، އެހީތެރިކަން ފޯރުކޮށް ދިނުމަށް އިސް ސަފުގައި މަސައްކަތްކުރާ ގިނަ ބަޔަކަށް ވެސް މިހާތަނަށް ވަނީ ކޮވިޑް ޖެހިފަ އެވެ. އޭގެ ތެރޭގައި ސިފައިންނާއި ފުލުހުންނާއި ސިއްހީ ހިދުމަތްތެރިންނާއި މި ނޫން ވެސް ހިދުމަތް ދޭ މީހުން ހިމެނެ އެވެ.

ރާއްޖެ އިން މިހާތަނަށް ބަލި ޖެހިފައި ވަނީ 4،594 މީހަކަށެވެ. އޭގެ ތެރެއިން 2،410 މީހުންނަކީ ދިވެހިންނެވެ. މި ބަލީގައި 19 މީހަކު މަރުވި އިރު ފަރުވާދެމުންއަންނަނީ 1،854 މީހަކަށެވެ.

Comments