10 ނޮވެމްބަރ 2016
ބީނޯސް އޭރީޒް، އާޖެންޓީނާ (ނޮވެމްބަރު 10) - މެންޗެސްޓާ ސިޓީގެ ކޯޗު ޕެޕް ގާޑިއޯލާ ޓީމު ނަގަނީ ކުޅުންތެރިންގެ ނަމަށް ބަލައިގެނެއް ނޫން ކަމަށާއި ކުޅުންތެރިން ކުރާ މަސައްކަތަށް ބަލައިގެން ކަމަށް އެ ޓީމުގެ ފޯވާޑް ސާޖިއޯ އަގުއޭރޯ ބުނެފި އެވެ.
ބީނޯސް އޭރީޒް، އާޖެންޓީނާ (ނޮވެމްބަރު 10) - މެންޗެސްޓާ ސިޓީގެ ކޯޗު ޕެޕް ގާޑިއޯލާ ޓީމު ނަގަނީ ކުޅުންތެރިންގެ ނަމަށް ބަލައިގެނެއް ނޫން ކަމަށާއި ކުޅުންތެރިން ކުރާ މަސައްކަތަށް ބަލައިގެން ކަމަށް އެ ޓީމުގެ ފޯވާޑް ސާޖިއޯ އަގުއޭރޯ ބުނެފި އެވެ.
ސީޒަންގެ ފުރަތަމަ ހަތް މެޗުގައި އަގުއޭރޯގެ ފަރާތުން ތަފާތު މޮޅު ކުޅުމެއް ފެނުނު ނަމަވެސް ސިޓީ އޭގެ ފަހުން ކުޅުނު މެޗުތަކުގައި އަގުއޭރޯގެ ފަރާތުން މޮޅު ކުޅުމެއް ނުފެނެ އެވެ. އަދި ކުޅުން ދަށްވުމުގެ ސަބަބުން އަގުއޭރޯ އަށް ޓީމުގެ ފުރަތަމަ އެގާރައިން ފުރުސަތު ވެސް ގެއްލުނެވެ. އަގުއޭރޯ އާއި ގާޑިއޯލާއާ ދެމެދު މައްސަލަ ޖެހުނު ކަމަށް މީޑިއާގައި އަޑުފެތުރުނު ނަމަވެސް އޭނާ ވަނީ އެކަން ދޮގުކޮށްފަ އެވެ.
"ގާޑިއޯލާއާ އަހަންނާ ދެމެދު މައްސަލައެއް ނެތް. ކުޅުން ދަށްވެއްޖެނަމަ ކޮންމެ ކުޅުންތެރިޔަކަށް ވެސް ޓީމުން ޖާގަ ގެއްލޭނެ. އަހަރެން ގާޑިއޯލާއާ ވާހަކަ ދައްކައިފިން. އޭނާ އަކީ ކުޅުންތެރިންގެ ނަމަށް ބަލައިގެން ޓީމު ނަގާ ކޯޗެއް ނޫން. ގާޑިއޯލާގެ ޓީމަށް އަރާނީ އެންމެ ރަނގަޅަށް މަސައްކަތްކުރާ ކުޅުންތެރިން،" ދެކުނު އެމެރިކާގެ އީއެސްޕީއެން ރޭޑިއޯ އަށް ދިން އިންޓަވިއުއެއްގައި އަގުއޭރޯ ބުންޏެވެ.
ފާއިތުވި ދެ ހަފްތާ އަކީ އަގުއޭރޯގެ ކުޅުން ވަރަށް ދަށްވި ދުވަސްތަކަކެވެ. ގައުމީ ޓީމާއި ކްލަބް ލެވެލްގައި ކުޅުނު މުހިއްމު މެޗުތަކުގައި ޕެނަލްޓީތަކެއް އަގުއޭރޯ އަތުން ނާކާމިޔާބު ވެގެންދިޔައިރު، ގިނަ މެޗުތަކުގައި އޭނާ ވަނީ ކުޅުން ދަށްވުމުން ބަދަލުކޮށްފަ އެވެ.
"ޕްރޮފެޝަނަލް ކުޅުންތެރިން ޖެހޭނެ ކޮންމެ ހާލަތަަކަށް ވެސް ތައްޔާރުވެގެން ހުންނަން. ފޯމު ދަށްވާ ދުވަސްތަކެއް ދާނެ. ދެން އޮންނާނީ ހިތްވަރެއް ލައިގެން ކުރިން ދެއްކި ކުޅުމަށް ވުރެ ރަނގަޅުކުރަން،" އަގުއޭރޯ ބުންޏެވެ.
ވޯލްޑް ކަޕް ކޮލިފައިންގައި މިރޭ ރަށުން ބޭރުގައި އާޖެންޓީނާ ނުކުންނާނީ ވާދަވެރި ބްރެޒިލާ ދެކޮޅަށެވެ. މިއީ ކޮލިފައިންގައި ކުރިއަށްދާން އާޖެންޓީނާ ތިން ޕޮއިންޓް ހޯދުން މުހިއްމު މެޗެކެވެ.
ގާޑިއޯލާގެ ލޮލުން ފޭބީ ފޭކް ކަރުނަ: އަގުއޭރޯގެ ބައްޕަ
އަގުއޭރޯއާ މެދު އުއްމީދު ދުލެއް ނުކުރަން: ގާޑިއޯލާ
އަގުއޭރޯގެ މޮޅު ކުޅުމާ އެކު ސިޓީ ކުއާޓާ އަށް
އަގުއޭރޯގެ އެހީ ސިޓީ އަށް މުހިއްމު ވެފައި
މުސްތަގުބަލާ މެދު ގޮތެއް ނިންމާނީ އަގުއޭރޯ: ގާޑިއޯލާ
އަގުއޭރޯ އަށް މިއީ އުނދަގޫ ވަގުތެއް: ގާޑިއޯލާ
ސިޓީގައި ދެމިހުރުމަށްވުރެ ދޫކޮށްދިއުން ގާތް: ގާޑިއޯލާ
136 އަހަރުންވެސް ނުވިކަމެއް، ސިޓީން މިއަދު ކުރާނެ!
ހަމަޖެހޭ، ތައްޓަކީ އަހަރެމެންގެ އެއްޗެއް: ގާޑިއޯލާ
އިންގްލެންޑަށް ކާމިޔާބު ވާނެ، ސިޓީއާ ދާދި އެއްގޮތް