ކިމް އާއިލާގެ އެންމެން ކާންޔޭ އަންފޮލޯ ކޮށްފި

އެމެރިކާގެ ސޯޝަލައިޓް ކިމް ކާޑޭޝިއަން އާއި ރެޕް އާޓިސްޓު ކާންޔޭ ވެސްޓްއާ ދެމެދު ކުރިއަށްދާ ހަމަނުޖެހުންތަކަށް ފަހު އެންމެފަހުން ކިމްގެ އާއިލާގެ ހުރިހާ މެމްބަރުން ކާންޔޭ އަންފޮލޯ ކޮށްފި އެވެ.

ކާންޔޭ އާއި ކިމްގެ ވަރިއަށް އެދި ކިމް ހުށަހެޅި ފަހުން ދެމީހުންގެ ދެމެދުގައި ވަނީ ތަފާތު އެކި ކަހަލަ ހަމަނުޖެހުންތައް އުފެދިފަ އެވެ. ކާންޔޭ ވަނީ އެކި ކަހަލަ ގޮތްގޮތުން އޮންލައިންކޮށް ކިމް އަށް ފުރައްސާރަ ކޮށްފަ އެވެ.

އެ ހުރިހާ ކައްތަކެއް ފެށުމާ ހަމައަށް ކިމްގެ އާއިލާ މެމްބަރުން ދިޔައީ ކާންޔޭ އަށް ސޯޝަލް މީޑިއާގައި ފޮލޯކުރަމުންނެވެ. އެއީ ދެމީހުން ދެމެދުގައި އެއްބަސްވުމަކަށް ދެވި، ހަމަޖެހިގެން ދަރިންތައް ބެލުމަށް މަސައްކަތް ކުރާނެ ކަމުގެ އުއްމީދުގަ އެވެ. އެކަމަކު ކާންޔޭ މި ފަހުން އަމަލުކުރަމުން އަންނަ ގޮތުގެ ސަބަބުން މުޅި އާއިލާއިން މިހާރު ވަނީ ސޯޝަލް މީޑިއާގެ ޕްލެޓްފޯމުތަކުން އޭނާ އަންފޮލޯ ކޮށްފަ އެވެ.

ކާންޔޭ ވަނީ ކިމް އާ ގުޅޭގޮތުން ތަފާތު ވާހަކަތަައްދައްކާ އޭނާއަށް ފުރައްސާރަކޮށް، އެކި ކަހަލަ ސްކްރީންޝޮޓު ނަގައި ސޯޝަލް މީޑިއާގައި ޕޯސްޓުކޮށްފަ އެވެ. މިހާރު އެފަދަ ޕޯސްޓުތަކެއް އެކި ފަހަރު ޑިލީޓް ކުރުމަށްފަހު ކިމް ގާތުން މާފަށް ވެސް އެދުނެވެ. ނަމަވެސް ގިނަ އިރުތަކެއް ނުވެ ކާންޔޭ ވަނީ އަނެއްކާ ވެސް އެ އަމަލު ރިޕީޓުކޮށްފަ އެވެ.