28 މާޗް 2022
ހޯމް މިނިސްޓަރު އިމްރާން އަބްދުﷲ ނުވަތަ އެޓާނީ ޖެނަރަލް އިބްރާހިމް ރިއްފަތު ރައްޔިތުންގެ މަޖިލީހަށް އިތުރުފުޅު ހެއްދެވި ކަމަށް ބުނެ މަޑުއްވަރީ ދާއިރާގެ މެމްބަރު އާދަމް ޝަރީފް ހުށަހެޅުއްވި ކުއްލި މައްސަލަ މަޖިލީހުގެ ކޮމިޓީއަކަށް ފޮނުވައިގެން ބެލުމަށް ފާހެއް ނުވި އެވެ.
ހޯމް މިނިސްޓަރު އިމްރާން އަބްދުﷲ ނުވަތަ އެޓާނީ ޖެނަރަލް އިބްރާހިމް ރިއްފަތު ރައްޔިތުންގެ މަޖިލީހަށް އިތުރުފުޅު ހެއްދެވި ކަމަށް ބުނެ މަޑުއްވަރީ ދާއިރާގެ މެމްބަރު އާދަމް ޝަރީފް ހުށަހެޅުއްވި ކުއްލި މައްސަލަ މަޖިލީހުގެ ކޮމިޓީއަކަށް ފޮނުވައިގެން ބެލުމަށް ފާހެއް ނުވި އެވެ.
އާދަމް ޝަރީފް ހުށަހެޅުއްވި ކުއްލި މައްސަލާގައި ބުނެފައި ވަނީ މިދިޔަ މަހު 17 ގައި ޖުޑިޝަރީ ކޮމިޓީގައި ވާހަކަ ދައްކަވަމުން ފުލުހުންގެ ތެރޭގަ އާއި އެހެން އިދާރާތަކުގައި ވެސް ގަސްތުގައި ގޯސް ހަދާ މީހުން ތިބި ކަމަށް ރިއްފަތު ވިދާޅުވި ކަމަށާއި ނަމަވެސް މަޖިލީހުގެ ތަޅުމުގައި އެކަމާ ބެހޭ ގޮތުން އިމްރާނާ ސުވާލުކުރުމުން، ގަސްތުގައި އެފަދަ ކަމެއް ކުރާ ފުލުހުން ނޫޅޭ ކަމަށް އެ މަނިކުފާނު ވިދާޅުވި ކަމަށެވެ.
އިމްރާން ނުވަތަ ރިއްފަތު މަޖިލީހަށް އިތުރުފުޅު ހައްދަވާފައިވާ ކަމަށާއި އެ ބޭފުޅަކު ދެނެގަނެ އެ ފަރާތަކާ މެދު ފިޔަވަޅު އެޅުމަށް އާދަމް ޝަރީފް ހުށަހެޅުއްވި އެވެ.
މައްސަލަ ބަލައިގަނެ ބަހުސްކުރަން އެމްޑީޕީ މެމްބަރުން ހިމެނޭ ގޮތަށް 18 މެމްބަރުންގެ ވޯޓާއެކު މިއަދު ފާސްވި އެވެ. ނަމަވެސް އެ މައްސަލަ ކޮމިޓީ އަކަށް ފޮނުވައިގެން މަޖިލީހުން ބެލުމަށް ވެލިދޫ ދާއިރާގެ މެމްބަރު މުހައްމަދު އަބްދުﷲ ޝަފީގް ހުށަހަޅުއްވާ ނައިފަރު ދާއިރާގެ މެމްބަރު އަހުމަދު ޝިޔާމް ތާއީދުކުރެއްވި މައްސަލަ ބަލައިގަތުމަށް ވޯޓު ދެއްވީ އެންމެ ނުވަ މެމްބަރެވެ. އަދި އެ މައްސަލަ ކޮމިޓީއަށް ފޮނުވަން ނުފެންނަ ކަމަށް 13 މެމްބަރަކު ވޯޓު ދިނެވެ.
އެކަމާ ގުޅޭ ގޮތުން މަޖިލީހުގައި މިއަދު ކުރި ބަހުސްގައި ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ތާއީދު ކުރައްވާ އެމްޑީޕީގެ މެމްބަރުންނާއި އިދިކޮޅު ޕީޕީއެމް/ޕީއެންސީގެ މެމްބަރުން ގަބޫލު ކުރައްވާ ގޮތުގައި މަޖިލީހުގައި އިތުރުފުޅު ހެއްދެވީ އިމްރާނެވެ.
އެމްޑީޕީ އާއި ޕީޕީއެމްގެ މެމްބަރުން ވަނީ އިމްރާނަށް ވަރަށް ބޮޑަށް ފާޑު ވިދާޅުވެފަ އެވެ. އަދި އެވަރުގެ ބޮޑު ކަމެއްގައި އެޓާނީ ޖެނަރަލް މަޖިލީހަށް އޮޅުވައި ނުލާނެ ކަމަށް އެމްޑީޕީގެ ގިނަ މެމްބަރުން ވިދާޅުވި އެވެ.
ޗާގޯސް މައްސަލާގައި ރައީސް މަޖިލީހަށް ހާޒިރުކުރަން ހުށަހަޅައިފި
މަޖިލީހުގެ ހައިޖާނުގެ ތެރެއިން ޗާގޯސް ސުވާލުތައް އޮޔާ!
އިތުރުފުޅު ހެއްދެވީ އިމްރާންތޯ، ރިފްއަތުތޯ ބަލަނީ!
ފުލުހުން ބަދުނާމް ކޮށްގެން ވާނީ ގެއްލުން: އިމްރާން
ބިލުން ކައުންސިލްތަކުގެ ދައުރު ހަނިވޭ: މިނިސްޓްރީ
ލާމަރުކަޒީ ނިޒާމު ބަދަލުކުރާނީ ޒިންމާދާރުކޮށް:މިނިސްޓަރު
ރަށްރަށުގައި ކައުންސިލަރުންގެ އަދަދު މިހާރު ވެސް މަދު: އެލްޖީއޭ
ދަތްދޮޅީގެ ވާހަކަ އަށް މާފަށް އެދިއްޖެ
މެންބަރުންގެ ދަތްދޮޅި ދުއްވާލާ ވާހަކަ ތަކުރާރުކޮށްފި
އާދަމް ޝަރީފަށް ރުހުންދޭންޖެހޭ ސަބަބެއް ނެތް: ފައްޔާޒް