04 އެޕްރީލް 2022
ރާއްޖޭގެ ކަޅުބާޒާރުގައި ޑޮލަރުގެ އަގު، އެނގުންވާ ވަރުގެ އަދަދަކުން ވެއްޓި، ޑޮލަރު ވަރަށް ބޮދަށް ތިޔާގިވެއްޖެ ކަމަށް ބައެއް ވިޔަފާރިވެރިން ބުނެފި އެވެެ.
ރާއްޖޭގެ ކަޅުބާޒާރުގައި ޑޮލަރުގެ އަގު، އެނގުންވާ ވަރުގެ އަދަދަކުން ވެއްޓި، ޑޮލަރު ވަރަށް ބޮދަށް ތިޔާގިވެއްޖެ ކަމަށް ބައެއް ވިޔަފާރިވެރިން ބުނެފި އެވެެ.
ރޯދައިގެ ކުރިން 17.50- 17.70ރ، ގައި ހުރި ޑޮލަރުގެ އަގު މިއަދު ހުރީ 16.90ރ. އަށް ވެއްޓިފަ އެވެ. މިއީ، ފަހުގެ ތާރީހެއްގައި ކުއްލިއަކަށް އެހާ ބޮޑަށް ދަށަށް ދިޔަ ފުރަތަމަ ފަހަރެވެ.
މިދިޔަ އަހަރުގެ ފަހުކޮޅުން ފެށިގެން މިދިޔަ މާޗް މަހުގެ ކުރީކޮޅާ ހަމައަށް ކަޅު ބާޒާރުގައި ޑޮލަރުގެ އަގު އުޅުނީ 17.90ރ. އާއި 17.60ރ. އާ ދެމެދުގެ އަގުތަކެއްގަ އެވެ. ނަމަވެސް މާޗް މަހުގެ ފަހު ހަފްތާއިން ފެށިގެން ޑޮލަރުގެ އަގު ވަނީ ވަރަށް ބޮޑަށް ދަށަށް ދާން ފަށައިފަ އެވެ.
ޑޮލަރު މާރުކުރާ ބައެއް ތަންތަނުން ޑޮލަރެެއް މިއަދު ގަންނަނީ 17ރ.ގެ ރޭޓުންނެވެ. އަނެއްބައި ތަންތަނުން 16.90ރ. އާއި 16.80ރ. އަށް ޑޮލަރު އަންނަނީ ގަންނަމުންނެވެ. އެކްސްޗޭންޖް ކުރާ ތަންތަނުން ޑޮލަރު ވިއްކަނީ 17.10ރ. އާއި 17ރ. އާ ދެމެދުގެ އަގުތަކެއްގަ އެވެ.
ޑޮލަރުގެ ވިޔަފާރި ކުރާ މީހަކު ބުނީ، އާންމު ގޮތެއްގައި ވެސް މަހުގެ ކުރީކޮޅު ޑޮލަރުގެ އަގު ދަށަށްދާ ކަމަށެވެ. އެހެން ނަމަވެސް މިފަހަރު އެހާ ބޮޑަށް ދަށްވެފައިވަނީ ބާޒާރުގައި ޑޮލަރު އިތުރުވުމުން ކަމަށެވެ. މީގެ އެއް ސަބަބަކީ މިނިމަމް ވޭޖާ ގުޅިގެން ރިސޯޓު މުވައްޒަފުންނަށް ލިބޭ މުސާރަތައް ރަނގަޅުވެ އެ މީހުންނަށް ލިބޭ ޑޮލަރުގެ އަދަދު އިތުރުވުމުން ކަމަށް އޭނާ ބުންޏެވެ.
"ބާޒާރުގައި މިހާރު ޑޮލަރު އަނެއްކާ ވެސް އެބަ ތިޔާގިވޭ. ކުރިއަށް އޮތްތަނުގައި ވެސް ޑޮލަރު އަގު ދަށަށް ދިއުމުގެ ފުރުސަތު އެބައޮތް،" އޭނާ ބުންޏެވެ.
ޑޮލަރުގެ އަގު ދަށަށް ގޮސްފައިވާ އިރު ރާއްޖެ އަށް އަންނަ ޓޫރިސްޓުންގެ އަދަދު ވެސް އަންނަނީ އިތުރުވަމުންނެވެ. މި އަހަރުގެ މިހާތަނަށް ރާއްޖެ އަށް ހަތަރު ލައްކަ އަށް އަރައިފަ އެވެ. އެވްރެޖުކޮށް ދުވާލެއްގެ މައްޗަށް އަންނަ ޓޫރިސްޓުންގެ އަދަދު އުޅެނީ 5000 އާއި 6000 ދެމެދުގެ އަދަދެއްގަ އެވެ.
ކޮވިޑާ ގުޅިގެން ރާއްޖޭގެ ޓޫރިޒަމް ހުއްޓިފައި އޮތުމުން 2020 ވަނަ އަހަރު ޑޮލަރު ލިބުން ވަރަށް ބޮޑަށް ތާށިވި އެވެ. މިދިޔަ އަހަރު ޑޮލަރުގެ އަގު 20ރ. އަށް ވެސް އެރި އެވެ.
ކަޅު ބާޒާރުގައި ޑޮލަރުގެ އަގު އަނެއްކާ ވެސް ވެއްޓިއްޖެ
ޑޮލަރުގެ މައްސަލަ: އާ ސަރުކާރުގެ ފުރަތަމަ އިމްތިހާން!
ޑޮލަރުގެ އަގު އަނެއްކާ ވެސް އުފުލިއްޖެ
ޑޮލަރު ހޯދަން އިއުލާންކުރީ އޮޅުމަކުން: އާރުޑީސީ
ޑޮލަރު ކަޅުބާޒާރުގެ ރޭޓް ކަނޑައަޅާ މީހާވެސް ހައްޔަރު
ކަޅު ބާޒާރުގައި ޑޮލަރުގެ 18ރ. އަށް އުފުލިއްޖެ
ކަޅު ބާޒާރުގައި ޑޮލަރު 17ރ. އަށް ވުރެ މައްޗަށް
ޑޮލަރުގެ ކަޅު ބާޒާރުގެ ނެޓްްވޯކު ވަރުގަދަ ވަނީ!
ލައިސަންސް އޮތަސް، ހިންގަނީ ކަޅު ބާޒާރު!
ހުއްދަ ނެތި ޑޮލަރު މާރުކުރާ ދެ ތަނެއް ބަންދުކޮށްފި