ޖޭލޯގެ އަނގޮޓީގެ އަގަކީ ފަސް މިލިއަން ޑޮލަރު

އެމެރިކާގެ މަޝްހޫރު ލަވަކިޔުންތެރިޔާ ޖެނިފާ ލޮޕޭޒް (ޖޭލޯ)ގެ އެންގޭޖްމެންޓް އަނގޮޓިއަށް ފަސް މިލިއަން ޑޮލަރު ހޭދަކޮށްފައިވާ ކަމަށް ރިޕޯޓުތައް ބުނެފި އެވެ.

ޖޭލޯ އާއި މަޝްހޫރު އެކްޓަރު ބެން އެފްލެކް ވަނީ ދާދި ފަހުން އެންގޭޖުވެފަ އެވެ. މީގެ 17 އަހަރު ކުރިން ވެސް އެ ދެ ތަރިން އެންގޭޖުވުމަށް ފަހު، ވަކިވެ އަލުން ދެ މީހުން ދިމާވެފައި ވަނީ މިދިޔަ އަހަރު ތެރޭގަ އެވެ. އޭގެފަހުން، ދެ މީހުން އަލުން ގުޅި، ދިރިއުޅުމެއް ފަށަން އަންނަނީ ތައްޔާރުވަމުންނެވެ.

އެ ދެ މީހުން އެންގޭޖުވުމުގެ ކުރިން ވަނީ އަގުބޮޑު ގެއެއް ވެސް ގަނެފަ އެވެ. ކައިވެންޏަށް ފަހު އެމީހުން ދިރިއުޅޭނީ 50 މިލިއަން ޑޮލަރަށް ގަތް އެ ގޭގަ އެވެ.

އެ އެންގޭޖުމަންޓް އަނގޮޓިއަކީ ޖޭލޯ އަށް އެންމެ ރީތި ކުލަ އަށް ހަދާފައިވާ އަނގޮޓިއެކެވެ. ތިލޭރުކަން ކުރާ މީހުން ބުނާގޮތުގައި އެ އަނގޮޓިއަކީ ފަސް މިލިއަން ޑޮލަރަށް ވުރެ އަގުބޮޑުވާނެ އަނގޮޓިއެކެވެ.

ޖޭލޯގެ ޕޯސްޓުތަކުން އެ އަނގޮޓި ވަރަށް ގިނައިން މިހާރު ފެނެ އެވެ.