އަޅުގަނޑު މިހުރީ ރައީސް އަރިހުގައި، މެނިފެސްޓޯ އެކުގައި ތަންފީޒުކުރަން: އާޒިމާ

ރައީސް ޑރ. މުހައްމަދު މުއިއްޒުގެ ތަސައްވުރު ތަންފީޒު ކުރަން އެއްބާރުލުން ދޭނެ މޭޔަރަކު މާލެ އަށް ހޮވުމަކީ މުހިންމު ކަމެއް ކަމަށާއި އޭނާ ހުރީ ރައީސްއާ އެކު އެމަނިކުފާނުގެ މެނިފެސްޓޯ ތަންފީޒު ކުރަން ތައްޔާރަށް ކަމަށް ކޮންގްރެސް ޕާޓީ (ޕީއެންސީ)ގެ ފަރާތުން މާލޭގެ މޭޔަރު ކަމަށް ވާދަކުރައްވާ އާޒިމާ ޝަކޫރު ވިދާޅުވެއްޖެ އެވެ.

"މިހާރު" އަށް އާޒިމާ ދެއްވި އިންޓަވިއުގައި ވިދާޅުވީ ސަރުކާރާއި ސިޓީ ކައުންސިލްގެ ދެމެދުގައި ސިޔާސީ ތަފާތުވުންތަކުގެ ނަތީޖާ މާޒީ އިން އޮތީ ފެންނަން ކަމަށާއި އެއީ "ސަރުކާރުގެ" މޭޔަރަކަށް މިހާރު އިސްކަން ދޭން ޖެހޭ ސަބަބު ކަމަށެވެ. ސިޔާސީ ހިޔާލު ތަފާތުވުންތަކުގައި ކޮންމެ ފަހަރަކު ވެސް އެންމެ ބޮޑު ގެއްލުމެއް ލިބޭ ބަޔަކަށް މާލޭގެ މީހުންވާ ކަމަށް އޭނާ ވިދާޅުވި އެވެ.

"ގައުމީ ތަސައްވުރަކާއި ޕްލޭނެއް ކޮންމެ ވެރިކަމަކާ އެކީ ބަދަލުނުވާ އަންނަން ޖެހޭ. އަޅުގަނޑަށް ހަމަ ގަބޫލުކުރެވެނީ ބޮޑެތި މައްސަލަތައް ރާއްޖޭގައި މިހުރީ ގައުމީ ޕްލޭނެއް ތަސައްވުރެއް ނެތިފައި ސިޔާސީ ވިސްނުން ކުރިއަށް އެރުމުން ގައުމީ ވިސްނުމަށް ވުރެ، އޭގެ ތެރޭގައި މާލެ ތާށިވީ، 15 އަހަރު ވަންދެން ސަރުކާރާއި މާލޭ ސިޓީ ކައުންސިލާ ދޭތެރޭ ތަޅާފޮޅުމުގައި މި ދިޔައީ،" އާޒިމާ ވިދާޅުވި އެވެ.

ރައީސް ޑރ. މުހައްމަދު މުއިއްޒު މޭޔަރު ކަމުގައި ހުންނެވިއިރު ގިނަ މައްސަލަތައް ހައްލުކުރައްވަން ޕްލޭނަކާ އެކު ވަޑައިގެން މަސައްކަތް ކުރެއްވި ނަމަވެސް އެންމެ އެކަށީގެންވާ ނަތީޖާ ނުނެރެދެވުނު ސަބަބަކީ އެއީ ކަމުގައި އޭނާ ފާހަގަކުރެއްވި އެވެ.

ވެރިކަން ކުރާ ޕީޕީއެމް/ޕީއެންސީގެ ޓިކެޓުގައި އާޒިމާ މޭޔަރު ކަމަށް ވާދަކުރައްވަނީ ރައީސް ޑރ. މުއިއްޒުގެ ސްޓެރެޓެޖިކް އެކްޝަންގެ ޕްލޭންގެ ތަންފީޒު ނުވެ އޮތް ބައި ތަންފީޒު ކުރުމަށް ކަމަށް އޭނާ ވިދާޅުވި އެވެ. އެއާ އެކު، "ދިވެހީންގެ ރާއްޖެ" މެނިފެސްޓޯގައި ހުރި ކަންކަމާއި އޭނާގެ އަމިއްލަ ތަޖުރިބާއާ އެކު، ގިނަ ކަންކަން ހާސިލް ކޮށްދެވޭނެ ކަމުގެ ޔަގީންކަން އެބަ އޮތް ކަމަށް ވެސް ވިދާޅުވި އެވެ.

އާޒިމާގެ މެނިފެސްޓޯގައި ހިމަނާ ބައެއް ކަންކަން:

- ރައްޔިތުންގެ ވިސްނުން ހިމަނައިގެން ތަރައްގީ ކުރެވޭ ގޮތަށް ހިންގުމުގެ ނިޒާމު ބަދަލުކުރުން.

- ތައުލީމާއި ތަމްރީންގެ ޕްރޮގްރާމްތަކެއް ފަށައި ވަޒީފާ ފަހިކޮށްދިނުން.

- ނުކުޅެދުންތެރިކަން ހުންނަ ކުދިންގެ އޮކިއުޕޭޝަން އާއި އަންހެނުންގެ ވަޒީފާ ފުރުސަތުތައް.

- 24 ގަޑިއިރު ހިދުމަތް ދޭ ވެޓް ސެންޓަރެއް ހަދައި، މަގުމަތިން ބުޅާ ރައްކާތެރިކަމާއެކު ނެގުން.

- ދިވެހިރާއްޖޭގެ މާމެލާމެލީގެ ބަގީޗާއެއް ތަރައްގީކުރުން.

- ޕާކުތައް ތަޅުލާފައި ހުންނަން ހުރުން ދޫކޮށްލުން.

- މާލޭގެ ރެކްރިއޭޝަނަލް ކުޅިވަރުތަކަށް ޕްލޭނެއް އެކުލަވާލުން.

- ޕަބްލިކް ލައިބްރަރީއެއް ހުޅުވުން.

އާޒިމާ ވިދާޅުވީ އޭނާ އަށް އޮތް ޔަގީންކަމަކީ ރައީސް ޑރ. މުއިއްޒު އެކުލަވާލާފައި އޮތް ޕްލޭން، ސަރުކާރާ ގުޅިގެން އޭގެ އެންމެ ފުރިހަމައަށް ހާސިލް ކޮށްދެވޭނެ ކަމަށެވެ.

"އަޅުގަނޑު މިހުރީ ރައީސްގެ އަރިހުގައި، މުޅި ރާއްޖޭގެ މެނިފެސްޓޯ އެކުގައި ތަންފީޒުކުރަން. އަޅުގަނޑަށް މި ފުރުސަތު ދެއްވާ ތިބޭފުޅުންނަން ތަފާތު ދައްކަން. އަޅުގަނޑުމެން މިތިބީ ކޮމިޓެޑް ޓީމެކޭ ނިކުމެ،" މިހާރުގެ ރައީސް ޑރ. މުއިއްޒާ އެކު، އެއް ކެބިނެޓުގައި މަސައްކަތް ކުރެއްވި އާޒިމާ ވިދާޅުވި އެވެ.