"މެންގޯ"ގައި ބޮޑު ސޭލެއް، 75 ޕަސެންޓާ ހަމައަށް ޑިސްކައުންޓް ދެނީ

މާލޭގައި ހުންނަ މަޝްހޫރު ފެޝަން ބްރޭންޑް މެންގޯގެ ފިހާރަތަކުގައި "އެންޑް އޮފް ސީޒަން ސޭލް"ގެ ނަމުގައި ބޮޑު ސޭލްއެއް ފަށައިފި އެވެ.

މި ސޭލްގައި އެ ތަނުން ވިއްކާ ހެދުން، ދަބަސް އަދި ފައިވާނުން 75 ޕަސެންޓާ ހަމައަށް ޑިސްކައުންޓު ލިބެ އެވެ. މިއީ މެންގޯގެ ފިހާރަތަކުން އެންމެ ބޮޑު ޑިސްކައުންޓެއް ދޭ ސޭލް އެވެ.

މި ސޭލްގައި މެންގޯ ފިހާރައިން ވިއްކާ ހީލްސް، ބޫޓު، ދަބަސް، ޕާޓީ ހެދުން، އަންހެނުންގެ އޮފިޝަލް އަދި ކެޝުއަލް ވެއާގެ ގިނަ ހެދުންތަކަކުން ޑިސްކައުންޓު ދެ އެވެ. އަދި ފިރިހެނުންގެ ސްވެޓަރު، ކޯޓު، ކެޝުއަލް އަދި އޮފިޝަލް ވެއާ އާއި ބޫޓާއި ކުޑަކުދިންގެ ބޫޓާއި ޕިޖަމާސް އަދި ރީތި އެކި ހެދުންތަކުން ޑިސްކައުންޓު ލިބެ އެވެ.

އެ ފިހާރައިން ބުނި ގޮތުގައި މި ސޭލް އަކީ މެންގޯގެ ބްރޭންޑެޑް، ކޮލެޓީ އަދި ސްޓައިލިޝް ރީތި، ތަފާތު ހެދުމާއި އެކި އެސަސަރީޒްތައް ހެޔޮ އަގުގައި ގަތުމަށް ކަސްޓަމަރުންނަށް ދޭ ފުރުސަތެކެވެ. މި ސޭލްގައި، އެ ފިހާރައިން ވިއްކާ ގިނަ ޕްރޮޑަކްޓުތަކެއް ހިމަނާފައިވާ ކަމަށް ބުންޏެވެ.

މެންގޯގެ އަންހެނުންނަށް ހާއްސަ ފިހާރަ އާއި ފިރިހެނުންނާއި ކުޑަކުދިންނަށް ހާއްސަ ފިހާރައިގައި ވެސް މި ސޭލް އަންނަ އަންގާރަދުވަހުގެ ނިޔަލަށް ކުރިއަށް ދާނެ އެވެ.

މެންގޯގެ ދެ ފިހާރަ ވެސް ހުންނާނީ މަޖީދީ މަގު، މާފަންނު ޕާކު ކައިރީގަ އެވެ. އެ ދެ ފިހާރަ ވެސް ހުކުރު ދުވަސް ފިޔަވައި ކޮންމެ ދުވަހަކު 10-12އަށް އަދި މެންދުރު ފަހު 2-6އަށް ހުޅުވާފައި ހުންނާނެ އެވެ. ރޭގަނޑު އެ ފިހާރަ ހުޅުވާނީ 8-1 އަށެވެ. ހުކުރުދުވަހު ފިހާރަ ހުޅުވަނީ ހަވީރު 4-6 އަށް އަދި ރޭގަނޑު 8-10 އަށެވެ.