ނޮވެލްޓީ ބުކްފެއާގެ ދެ ލައްކަ ރުފިޔާގެ އިނާމު ހަވާލުކޮށްފި

ނޮވެލްޓީ ބުކްޝޮޕުން ކޮންމެ އަހަރަކު ބާއްވާ ބުކްފެއާގެ މިއަހަރުގެ ނަސީބުވެރިޔާ މިރޭ ހޮވައި ދެ ލައްކަ ރުފިޔާގެ އިނާމު ހަވާލުކޮށްފި އެވެ.

އޭޕްރީލް 27 އިން ފެށިގެން މިދިޔަ މަހުގެ 14 ވަނަ ދުވަހާ ހަމައަށް ކުރިއަށްގެންދިޔަ ފެއާގެ ނަސީބުވެރިއަކަށް ހޮވުނީ މުހައްމަދު ހައްމާދު ހަސަން އެވެ.

އިނާމު ހަވާލުކުރުމަށް ލެމަންގްރާސް ރެސްޓޯރެންޓުގައި ބޭއްވި ރަސްމިއްޔާތަށް ފަހު ނޮވެލްޓީ ބުކްޝޮޕްގެ މާކެޓިން މެނޭޖަރު އިރުފާން އިސްމާއިލް ވިދާޅުވީ ކާނިވާ ސަރަހައްދުގައި މިއަހަރު ބޭއްވި ބުކްފެއާ އަށް ވެސް ވަރަށް ބޮޑު ތަރުހީބެއް ލިބުނު ކަމަށެވެ. އޭނާ ވިދާޅުވީ މިފަހަރުގެ ފެއާ ރަށްރަށުގައި ވެސް ކުރިއަށް ގެންދިޔަ ކަމަށެވެ.

މި އަހަރު ނޮވެލްޓީ ބުކްޝޮޕުން ބޭއްވި އެތަނުގެ 12 ވަނަ ބުކްފެއާ އެވެ.