މަސްތުވާތަކެއްޗާއެކު ދުބާއީން ދިވެއްސަކު ހައްޔަރުކޮށްފި

ދުބާއީން ރާއްޖެއަށް މަސްތުވާތަކެތި އެތެރެކުރަން އުޅުނު 40 އަަހަރުގެ ދިވެހި ފިރިހެނަކު ދުބާއީން ހައްޔަރުކޮށްފި އެވެ.

ފުލުހުން މިއަދު ބުނި ގޮތުގައި މި މީހާ ހައްޔަރުކޮށްފައި ވަނީ ދިވެހި ފުލުހުންނާއި ދުބާއީ ފުލުހުން ގުޅިގެން ހިންގި އޮޕަރޭޝަނެއްގަ އެވެ. އޭނާއަތުން ފެނުނީ ކިހާ އަދަދެއްގެ މަސްތުވާތަކެއްޗެއް ކަމެއް އަދި އެ މީހާގެ ވަނަވަރެއް ހާމައެއް ނުކުރެ އެވެ.

ދިވެހި ފުލުހުން ބުނި ގޮތުގައި މި މައްސަލަ ތަހުގީގު ކުރަމުން އަންނަނީ ދުބާއީ ފުލުހުންނެވެ.

މަސްތުވާތަކެތި ރާއްޖެއަށް އެތެރެކުރަން އުޅެނިކޮށް މި އަހަރުގެ މިހާތަނަށް ގިނަ ބަޔަކު ހައްޔަރުކޮށްފައިވެ އެވެ. މިފަދަ މައްސަލަތައް ބައިނަލްއަގުވާމީ ފެންވަރުގައި ތަހުގީގު ކުރުމަށް މަސައްކަތްތަކެއް ކުރަމުން އަންނަ ކަމަށް ފުލުހުން ބުންޏެވެ.