ހުޅުމާލޭގައި ފެންޓަސީގެ ސުޕަމާޓެއް ހުޅުވައިފި

ހުޅުމާލޭގައި ފެންޓަސީ ޕްރައިވެޓް ލިމިޓެޑްގެ ސުޕަމާޓެއް އިއްޔެ ހުޅުވައިފި އެވެ.

"ފެންޓަސީ އެކްސްޕްރެސް" ނަމުގައި މި ސުޕަމާޓް ހުޅުވީ ހުޅުމާލެ ސެންތްރޯ މޯލްގަ އެވެ.

މާލޭގައި ހުންނަ ފެންޓަސީ ސްޓޯރުން ލިބެން ހުންނަ ތަކެތި ހުޅުމާލޭގެ ފެންޓަސީ ސުޕަމާޓުން ވެސް ލިބެން ހުންނާނެ ކަމަށް ވެސް ފެންޓަސީން ބުންޏެވެ.

ހުޅުމާލެ ތަރައްގީކޮށް ބަލަހައްޓަމުން އަންނަ އެޗްޑީސީން އިން ބުނީ ފެންޓަސީ އެކްސްޕްރެސްގެ އިތުރުން ސެންތްރޯ މޯލް އިން ތަފާތު އެކިއެކި ހިދުމަތްތައް ލިބޭ ތަންތަން ހުޅުވާފައިވާ ކަމަށެވެ.

ސެންތްރޯ ޝޮޕިން މޯލް އަކީ ހުރިހާ ބާވަތެއްގެ މުދާ އެއްތަނަކުން ލިބޭ ގޮތަށް ތަރައްގީކޮށްފައިވާ ތަނެކެވެ. އެތަނުގައި ސުޕަ މާކެޓަކާއި ގޭތެރެއަށް ބޭނުންވާ ސާމާނާއި އަންނައުނާއި އިލެކްޓްރޯނިކްސް އަދި ސެލޫނާއި ރެސްޓޯރަންޓާއި ބޭކަރީ ފަދަ ފިހާރަތައް ހިމެނެ އެވެ.

މީގެ އިތުރުން ބޭންކިންގެ ހިދުމަތް ދިނުމަށް އިސްލާމިކް ބޭންކުގެ ބްރާންޗަކާއި ޑެންޓަލް ކްލިނިކެއް ވެސް ސެންތްރޯ މޯލްގައި ވަނީ ހުޅުވައިފަ އެވެ.