ބާސެލޯނާގެ އެމްބެސަޑަރަކަށް ރޮނާލްޑީނިއޯ ހަމަޖައްސައިފި

ބާސެލޯނާ (ސެޕްޓެމްބަރު 4) - ބާސެލޯނާގެ އެމްބެސެޑަރެއްގެ ގޮތުގައި، އެ ޓީމުގެ ކުރީގެ ތަރި ރޮނާލްޑީނިއޯ ހަމަޖައްސައި އެ ކްލަބް ޕްރޮމޯޓްކުރުމުގެ ޒިންމާ އޭނާއާ ހަވާލުކޮށްފި އެވެ.

އުމުރުން 36 އަހަރުގެ ރޮނާލްޑީނިއޯ އަކީ 2003 އިން 2008 ވަނަ އަހަރުގެ ނިޔަަލަށް ބާސެލޯނާ އަށް ގިނަ ކާމިޔާބީތަކެއް ހޯދައިދީފައިވާ ހުނަރުވެރި މޮޅު ކުޅުންތެރިޔެކެވެ. ބާސެލޯނާ އިން އެ ޓީމު އިޝްތިހާރު ކުރުމުގެ މަސައްކަތް މިހާރު ފަށާފައިވާއިރު، އަންނަ އަންގާރަަ ދުވަހު އެ ކްލަބްގެ އޮފީހެއް ނިއުޔޯކްގައި ހުޅުވަން ވަނީ ނިންމައިފަ އެވެ.

ދުނިޔޭގެ ތާރީހުގައި ވެސް އުފެދުނު އެންމެ މޮޅު އެއް ކުޅުންތެރިޔާ ރޮނާލްޑީނިއޯ ވަނީ ބާސެލޯނާއާ އެކު ސްޕެނިޝް ލީގު ތިން ފަހަރު އަދި ޗެމްޕިއަންސް ލީގު ހޯދައިފަ އެވެ. އަދި އެ ޓީމަށް ކުޅުނު 207 މެޗުން 94 ލަނޑު ޖެހި އެވެ.

ރޮނާލްޑީނިއޯ ވަނީ 2004 އާއި 2005 ވަނަ އަހަރު ފީފާ އިން ހޮވާ ދުނިޔޭގެ މޮޅު ކުޅުންތެރިއާގެ މަގާމު ހޯދައިފަ އެވެ.