ސުޕްރީމް ކޯޓުގެ ސްޓްރެޓީޖިކް އޮޑިޓެއް ޖޭއެސްސީން ހަދަނީ

ސުޕްރީމް ކޯޓުގެ ސްޓްރެޓީޖިކް އޮޑިޓެއް ހަދަން ޖުޑީޝަލް ސާވިސް ކޮމިޝަން (ޖޭއެސްސީ) ން މިއަދު ނިންމައިފި އެވެ.

އެ ކޮމިޝަނުން މިރޭ ނެރުނު ބަޔާނެއްގައި ވަނީ ސުޕްރީމް ކޯޓުގެ އިދާރީ ހިންގުމުގެ ނިޒާމާއި މާލީ ކަންކަން ހިނގަމުންދާ ގޮތް ބެލުމަށްޓަކައި ޖުޑީޝަލް އެޑްމިނިސްޓްރޭޝަން ކޮމިޓީގެ ބެލުމުގެ ދަށުން ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) ގެ އިންޓާނަލް ޔުނިޓުން ސުޕްރީމް ކޯޓުގެ ސްޓްރެޓީޖިކް އޮޑިޓެއް ކުރަން ނިންމާފައިވާ ކަމަށެވެ.

މީގެ އިތުރުން ހަތަރު މެޖިސްޓްރޭޓެއްގެ މައްސަލަ ވެސް ބަލަން ކަނޑައަޅައި، ތަހުގީގު ކޮމިޓީއެއް އެކުލަވާލަން މިއަދު ނިންމާފައިވާ ކަމަށް ވެސް ޖޭއެސްސީން ބުންޏެވެ.

މެޖިސްޓްރޭޓް ކޯޓުތަކަށް 14 މެޖިސްޓްރޭޓުން ހޯދަން ކޮށްފައިވާ އިއުލާނާ ގުޅިގެން އެކަށީގެންވާ މިންވަރަށް މީހުން ކުރިމަތިލާފައި ނުވާތީ އަލުން އިއުލާން ކުރަން ވެސް އެ ކޮމިޝަނުން މިއަދު ނިންމި އެވެ. އެކަމަކު އެ އިއުލާނާ ގުޅިގެން ކުރިން ކުރިމަތިލާފައިވާ މީހުން އަލުން ކުރިމަތިލާން ނުޖެހޭނެ ކަމަށް ވެސް ޖޭއެސްސީގެ ބަޔާނުގައި ވެ އެވެ.