ގިނަ ސިލްސިލާތައް މި މަހު 13 އަށް ތައްޔާރު

06 ޖުލައި 2020

ކޮވިޑް-19ގެ ސަބަބުން އިންޑިއާގައި އިއުލާންކުރި ލޮކްޑައުންއާ ހެދި ހުއްޓުމަކަށް އައި އިންޑިއާގެ ޓީވީ ޗެނެލްތަކުގެ ގިނަ ސިލްސިލާތައް މި މަހުގެ 13 އިން ފެށިގެން ދައްކަން ތައްޔާރުވެއްޖެ އެވެ.

އަހުމަދު އަދްޝަން

ދިވެހިން އާންމުކޮށް ބަލާ އިންޑިއާގެ ސިލްސިލާތައް ދައްކާ ސްޓާ ޕްލަސް އާއި ސޮނީ އާއި ޒީ ޓީވީ އާއި ކަލާޒް ފަދަ ޗެނެލްތަކުން އެ އުފެއްދުންތައް ގެނެސްދެމުން ގެންދިޔަ ސިލްސިލާތަކުގެ ޝޫޓިންތައް ވެސް މިހާރު ވަނީ ފަށައިފަ އެވެ.

އެގޮތުން ގިނަ ޗެނެލްތަކުން ވަނީ މި މަހުގެ 13 ގައި އެ ޗެނެލްތަކުގެ ސިލްސިލާތައް އެ ތާރީހުން ފެށިގެން ކުރިއެކޭ އެއްގޮތަށް ދައްކަން ފަށާނެކަން ކަށަވަރުކޮށް ދީފަ އެވެ.

13th July ko hoga double the trouble Naira aur Tina ke saath.#YehRishtaKyaKehlataHai, 13 July se, Raat 9.30 baje StarPlus aur Disney+ Hotstar par: https://t.co/GtWfZuGNqd @shivangijoshi10 @momo_mohsin pic.twitter.com/sbiF6EycKz
— StarPlus (@StarPlus) July 4, 2020

އޭގެ ތެރޭގައި ސްޓާ ޕްލަސްގެ "ކަސޯޓީ" އާއި އެ ޗެނެލްގެ "ޔޭ ރިޝްތާ ކިޔާ ކެހެލާތޭ ހޭ" އާއި އޭގެ ސްޕިން އޮފް "ޔޭ ރިޝްތޭ ހޭ ޕިޔާރު ކޭ" އާއި "ޔޭ ހޭ ޗާހަތޭ" އަދި "އަނޫޕަމާ" ހިމެނެ އެވެ.

ކަލާޒުން މި މަހުގެ 13 އިން ފެށިގެން ދައްކަން ފަށާނެ ސިލްސިލާތަކުގެ ތެރޭގައި "ޗޯޓީ ސަރުދާރުނީ" އާއި "އިޝްގް މޭ މަރުޖާވާ" ސީޒަން ދޭއް ހިމެނެ އެވެ.

How cute is Abhi?! Buying flowers for Pragya on Valentine's day!! Dekhiye # KumkumBhagya ka #MahaRecap aaj raat 9 baje.
Kijiye #NayeKalKiSunehriShuruwaat , 13 July se naye episodes ke saath, sirf #ZeeTV par. #comingsoon #Abhigya #YaadHaiWohPal @Sritianne @SHABIRAHLUWALIA pic.twitter.com/1OgAZitakd
— ZeeTV (@ZeeTV) July 5, 2020

ޒީޓީން މި މަހުގެ 13 ގައި އަލުން ގެނެސްދޭން ފަށާ ސިލްސިލާތަކުގެ ތެރޭގައި "ކުމްކުމް ބަގިއާ" އާއި "ކުންދަލީ ބަގިއާ" އާއި "ގުރުބާން ހުއާ" އާއި "ގުއްޑަން ތުމް ސޭ ނާ ހޯ ޕާއޭގާ" އާއި "ތުޖްސެ ހެ ރާބްތާ" ހިމެނެ އެވެ.

Pyaar ya pachtaava, Ridhima ke liye kiska palda hoga bhaari?
Dekhiye #IMMJ mein 13 July se, Mon-Fri shaam 7 baje on #Colors!@OfficialHelly7 @v_vishal13 #RahulSudhir pic.twitter.com/VvUjJcfW0K
— COLORS (@ColorsTV) July 1, 2020

މާޗް މަހުގެ ތެރޭގައި އިންޑިއާގައި އިއުލާންކުރި ލޮކްޑައުންއާ ހެދި މިހާތަނަށް އިންޑިއާގެ ހުރިހާ މުނިފޫހި ޗެނެލްތަކަކުން ވެސް ގިނައިން ދައްކަމުން އަންނަނީ ކުރީގެ ޝޯތަކެވެ. ނަމަވެސް މީގެ ހަފުތާއެއް ކުރިން ފެށިގެން ބައެއް ޗެނެލްތަކުން ވަނީ ޝޯތަކުގެ އާ އެޕިސޯޑްތައް ގެނެސްދޭން ފަށައިފަ އެވެ.

Apnon ko bachaane ke liye Abir banega unki dhaal!
Dekhiye Abir ke is roop ko pehli baar!#YehRishteyHainPyaarKe, 13 July se, Raat 9 baje StarPlus aur Disney+ Hotstar par.: https://t.co/7nDTlhU9Tm @Shaheer_S @rhea_shrm pic.twitter.com/SRtLPcX8u1
— StarPlus (@StarPlus) July 4, 2020

އޭގެ ތެރޭގައި ބައެއް ރިއަލިޓީ ޝޯތައް ވެސް ހިމެނެ އެވެ. އަދި މިއަދު ބައެއް ޗެނެލްތަކުން އެ ޗެނެލްތަކުގެ ސިލްސިލާތަކުގެ ތެރެއިން ބައެއް ސިލްސިލާތައް ދައްކަން ފަށާނެ އެވެ.

ޗެނެލްތަކުން އާންމުކޮށް ސިލްސިލާތައް ގެނެސްދެނީ ކޮންމެ ހަފުތާއެއްގެ ހޯމަ އިން ހުކުރު ދުވަހުގެ ރެއާ ހަމައަށެވެ. ސލްސިލާތައް އަލުން ދައްކަން ފަށާ އިރު، ގިނަ ބަދަލުތަކެއް ވެސް ފެންނާނެ ކަމަށް ބެލެވެ އެވެ. އެހެންވެ މިއީ ސިލްސިލާތައް ބަލާ މީހުން ވަރަށް ބޮޑަށް އިންތިޒާރު ވެސް ކުރާނެ ކަމަކަށް ވާނެ އެވެ.

Comments