ބަތަލާ ކިރްތީ ކުލްހާރީގެ ކައިވެނި ރޫޅާލައިފި

ބޮލީވުޑްގެ ބަތަލާ ކިރްތީ ކުލްހާރީ އާިއ ފިރިމީހާ ސާހިލް ސޭގަލްގެ ކައިވެނި ރޫޅާލައިފި އެވެ/

މިކަން އިންސްޓަގްރާމްގައި ހިއްސާކޮށް ކިރްތީ ބުނީ އެގޮތަށް ދެ މީހުން ނިންމީ މި ވަގުތަށް އޮތް އެންމެ ރަނގަޅު ގޮތް ކަމަށްވާތީ އެވެ. އެކަމަކު ފިރިމީހާއާ ވަކިވާން ނިންމުމަކީ ފަސޭހަ ނިންމުމެއް ނޫން ކަމަށް ބުންޏެވެ.

ކިރްތީ ބުނީ 2016 ގައި ކުރި ކައިވެނި ރޫޅައިލި ނަމަވެސް އޭނާ ހުރީ ހިތްހަމަޖެހިގެން ކަމަށެވެ.

ދެހާސް ދިހައެއްގެ "ކިޗްޅީ: ދަ މޫވީ" އާންމުންގެ ސަމާލުކަން ހޯދި ކިރްތީގެ އެންމެ ފަހުގެ ފިލްމަކީ ނެޓްފްލިކްސް އިން ފެބްރުއަރީގައި ޕްރިމިއާކުރި ޕަރިނީތީ ޗޯޕްޅާގެ "ދަ ގާލް އިން ދަ ޓްރެއިން" އެވެ. އާންމުކޮށް ސަޕޯޓިން ރޯލުތަކުން ފެންނަ ކިރްތީ ކުޅުނު ފިލްމުތަކުގެ ތެރޭގައި "ޝައިތާން" އާއި "އިންދޫ ސަރުކާރު" އާއި "އުރީ: ދަ ސާޖިކަލް ސްޓްރައިކް" އާއި "ޕިންކް" އަދި "މިޝަން މަންގަލް" ހިމެނެ އެވެ.

ކިރްތީ އަކީ ވެބް ސީރީޒްތަކެއް ވެސް ކުޅެފައިވާ ބަތަލާއެކެވެ. އޭގެ ތެރޭގައި "ފޯ މޯ ޝޮޓްސް ޕްލީޒް" އާއި "ބާޑް އޮފް ބްލަޑް" އަދި "ކްރިމިނަލް ޖަސްޓިސް: ބިހައިންޑް ކްލޯޒް ޑޯސް" ހިމެނެ އެވެ. ކިރްތީ މިހާރު އަންނަނީ "ހިއުމަން" ކިޔާ ވެބް ސީރީޒެއްގެ މަސައްކަތް ވެސް ކުރަމުންނެވެ.