ޑެންމާކްގެ އެރިކްސަން ހޭނެތުމުން ހުއްޓާލި މެޗު ފަށަނީ

ކޯޕަންހޭގަން (ޖޫން 12) - ޔޫރޯގެ ގުރޫޕް ބީ ގެ ފުރަތަމަ މެޗުގައި މިރޭ ޑެންމާކް އާއި ފިންލެންޑް މެޗު ކުޅެމުން ދަނިކޮށް ޑެންމާކްގެ މިޑްފީލްޑާ ކްރިސްޓިއަން އެރިކްސަން ދަނޑު މައްޗަށް ވެއްޓި ހޭނެތުމުން، ވަގުތީ ގޮތުން ސަސްޕެންޑް ކުރި މެޗު ހު ރާއްޖޭގަޑިން މިރޭ 11:30 ގައި ފަށާނެ ކަމަށް ޔޫއެފާއިން އިއުލާން ކޮށްފި އެވެ.

އެ މެޗު ފަށާނީ، މެޗު ނިންމާލި ހިސާބުންނެވެ. މެޗުގެ 43 ވަނަ މިނެޓްގައި އެރިކްސަން ދަނޑުމައްޗަށް ވެއްޓުނެވެ. މެޗު ފަށާނީ 43 ވަނަ މިނެޓުން ފެށިގެންނެވެ.

އެރިކްސަން އަށް މިހާރު ދަނީ ހޮސްޕިޓަލްގައި ފަރުވާ ދެމުންނެވެ. ޔޫއެފާއިން ބުނީ އޭނާގެ ހާލަތު އާންމު ހާލަތަކަށް އައިސްފައިވާ ކަމަށެވެ.

ދަނޑުމަތީގައި އޭނާއަށް އަވަސް ފަރުވާ ދެމެން ގެންދިޔައިރު، ޑެންމާކްގެ ކުޅުންތެރިން ވަނީ އޭނާ ވަށާލައި ކެމެރާތަކަށް އެރިކްސަން ނިވާކޮށްދީފަ އެވެ.

މެޗުގައި އެ ހާހިސާބަށް ޑެންމާކުން ދިޔައީ ވަރަށް ރަނގަޅަށް ކުޅެމުންނެވެ. ގިނަ ހަމަލާތަކެއް އެ ޓީމުން އުފެއްދި އެވެ. އެ ހަމަލާތަކުގައި އިންޓަ މިލާންގެ މީޑްފީލްޑާ އެރިކްސަން މުހިންމު ދައުރެއް އަދާ ކުރަމުން ދިޔަ އެވެ.

ޔުއެފާ އިން އެންމެ ފަހުން ބުނެފައިވާ ގޮތުގައި އެރިކްސަންގެ ހާލު އަންނަނީ ރަނގަޅުވަމުންނެވެ.