ޝުޖާއު ބާރަށު ދާއިރާ އަށް ވާދަކުރައްވަނީ

04 ނޮވެމްބަރ 2023

އަންނަ އަހަރު ބާއްވާ ރައްޔިތުންގެ މަޖިލީހުގެ އިންތިހާބުގައި ޕީއެންސީގެ ނައިބު ރައީސް އިބްރާހިމް ޝުޖާއު ބާރަށު ދާއިރާ އަށް ވާދަކުރައްވަން ނިންމަވައިފި އެވެ.

މޫސާ ރަޝީދު

ޝުޖާއު ރޭ ކުރެއްވި ޓުވީޓެއްގައި ވިދާޅުވީ، ބާރަށު ދާއިރާ އަށް ކުރިމަތިލައްވަން ނިންމާފައިވާ ކަމަށާއި އެ މަސައްކަތުގައި އެ ދާއިރާގެ މީހުންގެ ތާއީދާއި އެއްބާރުލުން ދޭން އެދިވަޑައިގަންނަވާ ކަމަށެވެ.

بِسْمِ اللهِ الرَّحْمٰنِ الرَّحِيْمِ
السّلام عليكم ورحمة الله وبركاته

އަޅުގަނޑު (އިބްރާހީމް ޝުޖާޢު،ސައުދީމަންޒިލް،ހއ.ބާރަށް)ކުރިއަށްއޮތް ރައްޔިތުންގެ މަޖިލިސް އިންތިޚާބުގައި ބާރަށު ދާއިރާގެ ގޮނޑިއަށް ވާދަކުރުމަށް ނިންމައިފީމެވެ.އަޅުގަނޑުގެ އިޚްލާޞްތެރި އެދުމަކީ އަޅުގަނޑުގެ… pic.twitter.com/NfhrRaH09v
— Ibrahim Shujau (@IbrahimShujaau) November 4, 2023

ބާރަށަށް އުފަން އަދި މާލެ ސިޓީ ކައުންސިލްގައި ހުޅުމާލެ ދާއިރާގެ މެމްބަރު ޝުޖާއު އަކީ 18 ވަނަ ރައްޔިތުންގެ މަޖިލީހުގައި ވެސް ބާރަށު ދާއިރާގެ އިންތިހާބު ކާމިޔާބު ކުރައްވައި އެ ގޮނޑި ފުރުއްވި މެންބަރެކެވެ.

އިދިކޮޅު ހަރަކާތްތަކުގައި ވަރަށް އިސްކޮށް އުޅުއްވާ އަދި ޝުޖާއު ވަނީ 2020 ވަނަ އަހަރު ބޭއްވި ލޯކައުންސިލް އިންތިހާބުގައި މާލެ ސިޓީ ކައުންސިލްގެ ހުޅުމާލެ ދާއިރާ ކާމިޔާބު ކުރައްވައިފަ އެވެ.

ޝުޖާއުއަކީ ޕީޕީއެމް/ޕީއެންސީގެ ކުރިއެރުމުގައި ވަރަށް އިސްދައުރެއް އަދާކުރައްވާ ބޭފުޅެކެވެ. މި ފަސް އަހަރު އެ ކޯލިޝަން އިދިކޮޅުގައި އޮތް އިރު އެންމެ އިސްކޮށް ސިޔާސީ މަސައްކަތް ކުރެއްވި އެއް ބޭފުޅަކީ ވެސް އެއީ އެވެ.

މާލެ ސިޓީ ކައުންސިލްގައި ހިމެނިވަޑައިގަންނަވާ ތިން މެންބަރަކު މިހާރު ވަނީ ރައްޔިތުންގެ މަޖިލީހުގެ އިންތިހާބުގައި ވާދަ ކުރައްވާނެ ކަމަށް އިއުލާން ކުރައްވައިފަ އެވެ.

Comments