09 ފެބުރުއަރީ 2021
ކޮވިޑް-19 ކޮންޓްރޯލްކުރަން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ކަނޑައަޅާފައިވާ ގައިޑްލައިނާ ހިލާފަށް މާސްކު ނާޅައި ބޭރުގައި އުޅުމުން މިދިޔަ އަށް ދުވަސް ތެރޭ ދޮޅު މިލިއަން ރުފިޔާ ޖޫރިމަނާކޮށްފި އެވެ.
ކޮވިޑް-19 ކޮންޓްރޯލްކުރަން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ކަނޑައަޅާފައިވާ ގައިޑްލައިނާ ހިލާފަށް މާސްކު ނާޅައި ބޭރުގައި އުޅުމުން މިދިޔަ އަށް ދުވަސް ތެރޭ ދޮޅު މިލިއަން ރުފިޔާ ޖޫރިމަނާކޮށްފި އެވެ.
ފުލުހުން އާންމުކުރި ތަފާސް ހިސާބުތަކުގައިވާ ގޮތުން މިދިޔަ މަހުގެ 31 ވަނަ ދުވަހުން ފެށިގެން މި މަހުގެ އަށް ވަނަ ދުވަހާ ހަމައަށް 1،551 މީހަކު ޖޫރިމަނާކޮށްފައިވެ އެވެ. އެޗްޕީއޭގެ އުސޫލާ ހިލާފަށް އަމަލުކުރާ މީހުން 1،000 ރުފިޔާ އިން ޖޫރިމަނާކުރުމުގެ ބާރު ފުލުހުންނަށް އޮވެ އެވެ. އެހެންވެ، މާސްކު ނާޅައި އުޅެގެން އެކަނިވެސް 1،551،000ރ. ގެ ޖޫރިމަނާކޮށްފައިވެ އެވެ.
ފުލުހުން ބުނި ގޮތުގައި މާސްކު ނާޅައިގެން އެންމެ މަދުން މީހުން ޖޫރިމަނާކުރި 31 ވަނަ ދުވަހު އެކަނިވެސް 81 މީހަކު ޖޫރިމަނާކުރި އެވެ. މާސްކު ނާޅައިގެން އެންމެ ގިނަ މީހުން ޖޫރިމަނާކޮށްފައި ވަނީ މި މަހުގެ ހަތަރު ވަނަ ދުވަހު އެވެ. އެއީ 284 މީހުން އެވެ.
Between 31st Jan & 07th Feb 2021, a total of 1551 individuals were fined for failing to wear mask, 988 individuals & 271 vehicles were fined for violating curfew hours. Please adhere to #Covid19 safety guidelines and ensure your safety and that of others#WearFaceMask pic.twitter.com/bQh3G6OC3p
— Maldives Police (@PoliceMv) February 9, 2021
ފުލުހުންގެ ބައެއް ތަފާސް ހިސާބު އާންމުކުރަން އެ އިދާރާ އިން ކުރި ޓްވީޓެއް
ކޮވިޑް-19 އަށް ޕޮޒިޓިވްވާ މީހުންގެ އަދަދު އިތުރުވާން ފެށުމުން އެޗްޕީއޭ އިން ވަނީ ރައްކާތެރިކަމުގެ ފިޔަވަޅުތައް ހަރުކަށިކޮށްފަ އެވެ. އެ އިދާރާގެ އެންގުންތަކާ ހިލާފަށް އަމަލުކުރާ މީހުންނަށް އިތުރަށް ނަސޭހަތް ދިނުމަކާނުލައި ފުލުހުން މިހާރު އަންނަނީ ވަގުތުން ޖޫރިމަނާ ކުރަމުންނެވެ.
މާލެ ސަރަހައްދުގައި މިހާރު ރޭގަނޑު 11:00 އިން ފަތިހު 4:00 އާ ދޭތެރޭ މަގުމައްޗަށް ނުކުމެ އުޅުން މަނަ އެވެ. އަދި ރޭގަނޑު 8:30 އިން ފެށިގެން ފަތިހު 4:00 އާ ދެމެދު މަގުމަތީގައި އުޅަނދު ދުއްވުން ވެސް ވަނީ މަނާކޮށްފަ އެވެ.
ކާފިއު އަލުން އިއުލާނުކުރި ފަހުން އެ އެންގުންތަކާ ހިލާފަށް އަމަލުކުރި 1،259 މީހަކު ވަނީ ޖޫރިމަނާކޮށްފަ އެވެ. އެއީ ކާފިއު ވަގުތުގައި ބޭރުގައި އުޅުނު 988 މީހަކާއި މަނާ ވަގުތުގައި އުޅަނދު ދުއްވި 271 މީހުންނެވެ.
އެހެންވެ، އެ މުއްދަތުގައި ޖުމްލަ 2،810،000ރ. ގެ ޖޫރިމަނާ ވަނީ ކޮށްފަ އެވެ.
ކޮވިޑުން ރައްކާތެރިވާން އަޅާފައިވާ ފިޔަވަޅުތަކާ އެއްގޮތަށް އަމަލުކުރަން އެޗްޕީއޭ އިން އަންނަނީ ތަކުރާރުކޮށް އިލްތިމާސްކުރަމުންނެވެ. އަދި ކޮވިޑް ވެކްސިން ޖަހަން ރަޖިސްޓްރީ ވާން ވެސް އަންނަނީ އެދެމުންނެވެ.
މާސްކް އަޅާތޯ ބަލާނެ ކަމަށް ފުލުހުން ބުނެފި
އިދިކޮޅުގެ އެއްވުމާ ގުޅިގެން ޝުޖާއު ފުލުސް އޮފީހަށް
ޝަކުވާތަކާއި ހިޔާލަށް މަރުހަބާ ކިޔަން: ދިރާގު
ކޮވިޑުގެ ޖޫރިމަނާ މިލިއަނަކަށް ވުރެ މައްޗަށް
މާސްކް ނާޅަައި އުޅުމުން 73 މީހަކު ޖޫރިމަނާކޮށްފި
މާސްކު ނާޅާ މީހުން 1،000ރ. އިން ޖޫރިމަނާކުރަނީ
ކޮވިޑް އިތުރުވާތީ ބައެއް ތަންތަނުން ފިޔަވަޅު އަޅައިފި
ގަދަކަމުން އެޅުވި މާސްކް ނެގިޔަސް ބަލައިގެން އުޅޭތި!
ރާއްޖޭގައި މާސްކް އެޅުން ދެން މަޖުބޫރެއް ނުވާނެ
މާލޭގެ ހަރުކަށި ފިޔަވަޅުތަކުގެ މުއްދަތު އިތުރުކޮށްފި