އައްޑޫގެ ވިޔަފާރި ގާޑިޔާތަކުގެ ރެޖިސްޓްރޭޝަން ފީ އަށް ނަގާނެ އަގަކާ މެދު އާންމުންގެ ހިޔާލަށް

އައްޑޫގެ ވިޔަފާރި ގާޑިޔާތަކުގެ ރަޖިސްޓްރޭޝަން ފީ އަށް ނަގާ އަގަކާ ގުޅޭ ގޮތުން އައްޑޫ ސިޓީ ކައުންސިލުން މިއަދު އާންމުންގެ ހިޔާލު ހޯދަން ހުޅުވާލައިފި އެވެ.

ކައުންސިލްގެ ފޭސްބުކްގެ ޕޭޖްގައި ބުނީ އާންމު މައިދާންތަކާއި މަގުމަތީގައި ކާނާ ވިއްކާ ތަންތަނާއި ތަކެއްޗާއި އުޅަނދުތަކުން ވިޔަފާރި ކުރުމުގެ ރަޖިސްޓްރޭޝަން ފީގެ ގޮތުގައި ކަނޑައަޅާނެ އަގަކާ މެދު އާއްމު ރައްޔިތުންގެ ޚިޔާލު ހޯދަން ބޭނުންވާ ކަމަށެވެ.

އެގޮތުން ފީއެއްގެ ގޮތުގައި ނަގާނެ ތިން އަގެއް ހިމަނާފައިވެ އެވެ. އެއީ 100ރ. އާއި 300ރ. އަދި 500ރ. އެވެ.

މި އަގުތަކާ މެދު އާންމުންނަށް ހިޔާލު ހުށަހެޅުމުގެ ފުރުސަތު މި މަހުގެ 9 އާ ހަމައަށް އޮންނާނެ އެވެ.

އައްޑޫގެ ހުރިހާ އަވަށެއްގައި ވެސް ވިޔަފާރި ގާޑިޔާތައް ހިންގަ އެވެ. މިފަދަ ތަންތަނަށް ހުއްދަ ދެނީ އާންމުކޮށް ދިވެހި އުފައްދުންތައް ވިއްކަން ކަމަށް ވިޔަސް ބައެއް ގާޑިއާތަކުން ބައެއް ކަހަލަ އިމްޕޯޓް މުދާ ވިއްކުމުގެ އިތުރުން ބައެއް ގާޑިޔާތައް ކޮފީ އާއި ސައި އަދި ހެދިކާ ލިބޭ ގޮތަށް "ކެފޭ ސްޓައިލަށް" ވެސް ހިންގަ އެވެ.

މިކަމާ ގުޅިގެން އެފަދަ ގާޑިޔާތަކަށް ފިޔަވަޅު އަޅާނެ ކަމުގެ އިންޒާރު 2019 ގައި ކައުންސިލުން ދީފައިވެ އެވެ.