ކޮޮވިޑްގައި އިންޑިއާގެ ޕްރޮޑިއުސަރަކު މަރުވެއްޖެ

މިދިޔަ އަހަރު ރިލީޒްކުރި ފިލްމު "އިންދޫ ކީ ޖަވާނީ" ގެ ޕްރޮޑިއުސަރު ސްޓެންފެން ރަޔަން ކޮވިޑް-19 ގައި ހޮނިހިރު ދުވަހު މަރުވެއްޖެ އެވެ.

އޭނާގެ މަރުގެ ޚަބަރާ އެކު ބޮލީވުޑްގެ ވަރަށް ގިނަ ބަޔަކު ސޯޝަލް މީޑިއާގައި ހިތާމާފާޅުކޮށްފައިވެ އެވެ. އޭގެ ތެރޭގައި "އިންދޫ ކީ ޖަވާނީ" ގެ ބަތަލާ ކިއާރާ އަދުވާނީގެ އިތުރުން ވަރުން ދަވަން އާއި ކާޖޮލް އާއި މަނޯޖް ބަޖްޕާއީ ޕްރޮޑިއުސަރު/ޑައިރެކްޓަރު ނިކިލް އަދުވާނީ ހިމެނެ އެވެ.

ކާޖޮލް އަކީ މިދިޔަ އަހަރު ރަޔަން ޕްރޮޑިއުސްކޮށް ގެނެސްދިން ކުރު ފިލްމު "ދޭވީ" ގެ އެއް ބަތަލާ އެވެ. އެ ފިލްމުގައި ނޭހާ ދޫޕިއާ އާއި ޝުރޫތީ ހަސަން ވެސް ހިމެނެ އެވެ.

އިންޑިޕެންޑެންޓް ޕްރޮޑިއުސަރެއްގެ ގޮތުގައި މިހާތަނަށް ގިނަ ޕްރޮޖެކްޓްތަކެއް ރަޔަން ކޯ-ޕްރޮޑިއުސްކޮށްފައިވާ އިރު އޭނާ ޕްރޮޑަކްޝަން ޑިޒައިނަރެއް ވެސްމެ އެ އެވެ. ރަޔަން އަކީ ކުރިން ކަރަން ޖޯހަރްގެ ދަރުމާ ޕްރޮޑަކްޝަންގައި ވެސް މަސައްކަތްކޮށްފައިވާ މީހެކެވެ.